Aqtoǵaıdyń alǵashqy mysy

«Qazaqmys» kompanııasy daǵ­darys zamanynyń ózinde da­mýǵa múmkindik baryn ispen dá­leldep keledi. Búgingi kúnde kásip­oryn Aqtoǵaı jáne Bozshakól ken oryndaryn iske qosýdy qolǵa alǵan. Qazirgi ýaqytta atalǵan ken oryndary «KAZ Minerals» tobyna qaraıdy. Bul sońǵy kezde kompanııa­da bolǵan qurylymdyq ózgeristerdiń nátıjesi. Jańa jyl qarsańynda Semeı óńirindegi Aqtoǵaı kesheni iske qosylyp, totyqtandyrylǵan kennen alǵash­qy katodty mys alynǵan bolatyn. Jospar boıynsha bıylǵy jartyjyldyq ishinde óndiristiń qýaty jylyna 15 myń tonna mys óndiretin deńgeıge jetkizilmekshi. Aqtoǵaı ken ornyn ıgerý jumystary 2012 jyldan beri júr­gizilip keledi. Sol jyldyń jel­toqsan aıynda mys kenin óndirý jónindegi joba bekitilip, alǵashqy jumystar bastalǵan bolatyn. Shal­ǵaıdaǵy Bozshakólden bul jerdiń aıyrmashylyǵy, bo­lashaq kombınat janynda elektr qýatynyń jeli­leri, kólik kom­mýnıkasııasy sekil­di ınfraqu­rylymdar daıyn edi. Qury­lys jumystaryn kedergisiz bas­taýda bul aıtarlyqtaı qolaılylyq týǵyzdy. Taý-ken jabdyqtary qoıy­latyn orynǵa deıin temir­jol, sý qubyry tartylyp, eki-úsh jyl boıy jańa keshen salý jónin­degi qaınaǵan eńbek tolassyz júrgizildi. Sonyń nátıjesinde ótken jyldyń basynda kendi toptap siltilendirý jáne elektrolızdeý korpýstarynyń qurylysy qolǵa alynyp, jańa jabdyqtar jetkizile bastady. Vahtalyq kent te salynyp bitýge jaqyn. Osy­laısha ken óndirisiniń úlken jobasy bas-aıaǵy úsh jyldyń ishinde is júzine asyryldy deýge bolady. Totyqqan kennen alǵashqy katod mysynyń alynýy sonyń aıǵaǵy. Mamandardyń esebinshe, ashyq ádispen ken óndiretin Aqtoǵaı kesheni jobasynyń quny 2,3 mıllıard dollardy quraıdy. О́nimniń ózindik quny da belgili. Qazirgi boljam boıynsha bir tonna mystyń óndirý shyǵyny 2200 dollardan aınalady. Munda 2017 jyly sýlfıdti ken quramyn óńdeıtin fabrıka iske qosylmaqshy. Qazir qurylys jáne jabdyqtaý jumystary jalǵasýda. Alǵashqy 10 jyldyń ishinde orta eseppen jylyna 150 myń tonna mys ónimi alynýy tıis. Kombınat tolyq paıdalanýǵa berilgen kezde 1500-deı adam eńbek etetin ken ornynyń qory 50 jylǵa jobalanǵan. – Aqtoǵaı ken baıytý kombınatynda alǵashqyda totyqqan kendi óndirý jáne óńdeý úderisi júrgiziledi. Bizdiń kompanııa úshin qýanyshty sát, aıtýly oqıǵa. Ken óndirý, óńdeý keshe­ninde 2 myńdaı adam eńbek etkenin de atap ótý kerek. Olardyń basym kóp­shiligi ózimizdiń jumyskerler boldy, qalǵan eki paıyzy ǵana shetelden kelgen mamandar, – dep atap ótken «KAZ Minerals» toby basqarmasynyń tór­aǵasy Oleg Novachýk kompanııa bas­pa­sóz qyzmeti taratqan habarlamada. Qaırat ÁBILDINOV, «Egemen Qazaqstan». Qaraǵandy oblysy, Jezqazǵan qalasy.