Búgin Astanada «Nur Otan» partııasynyń XVII sezi ótedi

ASTANA. 29 qańtar. Búgin Astanadaǵy Táýelsizdik saraıynda «Nur Otan» partııasynyń kezekten tys XVII sezi ótedi. Oǵan elimizdiń ár óńirinen 2 200 adam qatysady dep josparlanǵan. Olardyń 600-den astamy – partııa aımaqtyq fılıaldary saıası keńesteriniń keńeıtilgen otyrystarynda saılanǵan delegattar. Bul týraly partııanyń resmı saıty nurotan.kz-ke silteme jasaǵan egemen.kz tilshisi habarlady. Aıta keteıik, 21 qańtarda Elbasy, partııa Tóraǵasy Nursultan Nazarbaev Astana qalasynda partııanyń kezekten tys XVII sezin shaqyrý jóninde Qaýlyǵa qol qoıǵan bolatyn. Soǵan oraı partııanyń Ortalyq apparaty men fılıaldaryna sezd ótkizýge qajetti barlyq uıymdastyrý sharalaryn qabyldaý tapsyryldy. Búgingi sezde partııanyń jańa saılaýaldy baǵdarlamasy qabyldanyp, Parlament Májilisi depýtattaryn saılaýǵa qatysty partııalyq tizim bekitiledi. Sondaı-aq, partııanyń 2021 jylǵa deıingi negizgi baǵyty aıqyndalyp, sol boıynsha «100 naqty qadam» Ult josparyn iske asyrý sharalary qamtamasyz etiledi. Odan bólek, «Qazaqstan 2050» strategııasy men «Nurly jol» baǵdarlamalaryn júzege asyrý tetikteri jáne taǵy basqa máseleler qarastyrylady. Elaman Qońyr. Derek, sýret: nurotan.kz.