Daǵdarys tumany seıilip, halyq kóńili serpilgendeı

Bul sezge Shyǵys Qazaq­stan­nyń shalǵaıdaǵy shekara­lyq aýdany sanalatyn Úrjar óńirinen keldim. El­basynyń baıypty baıan­damasynan búgingi damý jo­lymyzdyń durys­tyǵyna taǵy kóz jetkizdik. Ásire­se, teńge baǵamy saıasaty­nyń el ekonomıkasyn qul­dy­ratpaýǵa, qaıta saq­taýǵa, damýǵa qyzmet etip jat­qany týraly tushymdy oı aıtyldy. Bul – elimizdiń shyn máninde álemdik qaýymdastyqtyń bir bólshegi ekendigin kórsetedi. Qazaqstandy toqyraý kezeńi­nen alyp shyqqan Prezıdent daǵdarys menedjeri retinde árdaıym qajetti sharalardy júzege asyryp keledi. Bul joly qabyldanǵan partııamyzdyń saılaýaldy baǵdarlamasy aldymyzǵa aýqymdy mindetter qoıyp otyr. Elbasynyń tıimdi saıası-ekono­mıkalyq reformalary arqasynda alystaǵy aýdanymyz jyldan jylǵa damyp, kórkeıip keledi. Partııalyq jobalar aıasynda halyqtyń saıası belsendiligin kóterýge, áleýmettik máselelerdi sheshýge, quqyqtyq júıeni jáne ekonomıkalyq damýdy qamtamasyz etýdi júzege asyrýǵa baǵyttalǵan jumystar júıeli túrde júrgizilip jatyr. Bul rette, Elbasynyń «100 naqty qadam» Ult Josparynda kórsetilgen negizgi baǵdarymyzdy aıqyndap bergenin aıtqan lázim. Jalpy, ár eldiń, ár ulttyń, ár ǵasyrdyń ózindik ereksheligi, ózindik tarıhı qundylyǵy bolady. Kóne tarıhymyzǵa kóz júgirtsek, Qazaq eliniń de basynan qıly-qıly zamannyń ótkenin baıqaımyz. Adam balasynyń uzaq tarıhynda jasaǵan rýhanı qundylyqtary, mádenı qazynasy, is-tájirıbesi, adamgershilik taǵylymdary urpaqtan urpaqqa jalǵasýda. Elbasy Nursultan Nazarbaevtyń ustanymyna tereńirek úńil­gende, keshegi ótken Qasym han, Esim han, Táýke han, Abylaı hannyń kóshbasshylyǵy, kóregendigi men qyraǵylyǵy, el qamy, halyqtyń arman-tilegine alańdaýshylyǵy eske túsedi. Búgin biz sol ata-babalarymyz kúresken, armandaǵan alyp memleketti quryp, qalyptastyrdyq. Álemdik qoǵamdastyqta orny bar jańa turpatty, qýatty elge aınalyp kelemiz. Prezıdentimizdiń Ult Josparyn júzege asyra otyryp, damyǵan 30 eldiń qataryna qosylýdy kózdeýdemiz. Ult Josparynyń ár qadamy kemel keleshekke jetelep, memleketke degen halyqtyń senimin arttyrdy. Munyń ózi qarapaıym halyqqa shynaıy qoldaý boldy. Kóshbasshymyz daǵdarys kezeńinde daǵdarmaı, naqty baǵyttar boıynsha jumysty jalǵastyrýdyń jolyn kórsetip berdi. Mine, endi daǵdarys tumany seıilgendeı, halyq kóńili serpilgendeı. Aldymyzdaǵy kezekten tys Máji­lis jáne kezekti máslıhattar saılaý­lary arqyly biz taǵy bir belesti baǵyndyryp, el tańdaýyn jasaımyz. Saılaý arqyly bolashaǵymyzdy tańdaımyz. Jaqynda Úrjar aýdanynda 830 adam bir mezette «Nur Otan» partııasynyń qataryn tolyqtyrdy. Bul qarapaıym qazaqstandyqtardyń Elbasy, «Nur Otan» partııasynyń Tóraǵasy Nursultan Nazarbaevtyń saıasatyn qaltqysyz qoldaıtynyn kórsetedi. Baqtybaı BAIMURATOV, «Nur Otan» partııasy Úrjar aýdandyq fılıaly tóraǵasynyń birinshi orynbasary, sezd delegaty.