Tatýlyqty tý etken toleranttylyq

Aqtóbedegi Qazaq-orys halyqaralyq ýnı­ver­sıtetinde «Biz – Uly Dala eliniń jastarymyz» atty toleranttylyq festıvali bolyp ótti. Bul sharaǵa óńir basshysy Berdibek Saparbaev jáne oblysta turatyn túrli ult ókilderiniń jas­tary qatysty. Festıvaldi taıaýda ǵana qala­lyq ishki saıasat bólimi janynan qurylǵan «Aqtóbe jastary» KMK uıymdastyrdy. Onyń belsendi ókilderi tárbıe men birlik sezimi óskeleń urpaqtyń boıynda táýelsiz Qazaqstannyń basty memlekettik saıasatyn bekite túsetinine senimdi. Oblystyq jas­tar saıasaty basqarmasynyń basshysy Darıǵa Ismaǵambetovanyń aıtýyna qaraǵanda, sharanyń bas­ty maqsaty «Qazaqstandyqtar – bir otbasy» ıdeıasyn nasıhattaý, sonymen birge, elde beıbitshilikti ustap turatyn urpaq tárbıeleý bolyp tabylady. «100 naqty qadam» Ult Josparyna sáıkes, «Úl­ken memleket – úlken otbasy» qadamy azamattyq qoǵam qa­lyp­tastyrýda qazaqstan­dyq­tardyń biregeıligin kórse­tedi. Festıval aıasynda 11 ekspozı­sııadan tura­tyn Qa­zaq­stan tarıhy men mádenıetin, ulttyq kıim úlgileri men taǵam túrlerin qam­tı­tyn kórme uıymdastyryldy. «Dostyq konveıeri» atty dóńgelek ústeldiń qatysýshylary halyqtar arasyndaǵy dostyq qarym-qaty­nasty odan ári damytý barysyn talqylap, Qazaqstan halqy jas­tar assambleıasyn qurý týraly sheshimge keldi. Festıval qatysýshylary «El­­basy joly» fılminen úzindi kór­di. Shara sońynda flesh-mob uıymdastyrylyp, barlyǵy dostyq bıi men jas­tar ánuranyn oryndady. Satybaldy SÁÝIRBAI, «Egemen Qazaqstan». Aqtóbe oblysy.