«Aınalaıyn!» balabaqshasy ashyldy

Ulystyń uly kúni qarsańynda qalaǵa qarasty «Zarechnyı» eldi mekeninde ornalasqan «Aı­na­­­­la­ıyn!» jekemenshik bala­baq­­shasy paıdalanýǵa berildi. Bul balabaqshanyń qurylysyn  qarjylandyrǵan kásipker Nur­jan Qýatov salǵan. 50 oryndyq mektepke deıingi balalar mekemesiniń saltanatty ashylýyna oblys ákimi Berdibek Saparbaev qatysty. О́ńir basshysy ata-analardy qýanysh­ty sátterimen quttyqtap, onyń Naý­ryz merekesi qarsańynda ashy­lýyn jaqsylyq joralǵysy retinde baǵalaıtynyn jetkizdi. Ol, sondaı-aq, kásipkerlerdiń qarjylaryn halyqqa qajetti sharýaǵa jumsap, ıgilikti is tyn­dyrýy jón ekenin alǵa tartty. Halyqtyń alǵysyna bólenip, bata­syn alýdan artyq baqyt joq­tyǵyn atap ótti. Munda búldirshinderdi tár­bıeleýge barlyq jaǵdaı ja­salǵan. Balabaqsha aýmaǵy abat­tandyrylǵan, qazirdiń ózinde sek­sen túp kóshet otyrǵyzylǵan. Onyń óziniń derbes qazandyǵy men kir jýatyn orny, balalardyń oıyn alańy bar. Ǵımarattyń aýmaǵy men top bólmelerinde onlaınǵa qosylǵan beınebaqylaý ornatylǵan. Baǵdarlamada memlekettik til men aǵylshyn tilin tereńdete oqytý, horeografııamen aınalysý qarastyrylǵan. Basty nazar «Deni saý urpaq – deni saý ult» baǵdarlamasyna aýdarylǵan jáne ata-analardyń qatysýymen sporttyq sharalar ótkiziletin bolady. Balabaqshada 12 adam jumys isteıdi. Sol kúni «Ońtústik-Batys» tur­ǵyn úı kesheninde ornalasqan 75 oryndyq «Kinder JOY» jeke­menshik balabaqshasy da saltanatty jaǵdaıda ashyldy. Mektepke deıingi balalar mekemesi osy zamanǵa saı teh­nologııalyq jáne oıyn qural­darymen jab­dyq­talǵan. Balalarmen júrgiziletin tárbıelik oqý jumystary «Ze­rek» jáne «Biz mektepke baramyz» baǵdarlamalary boıyn­sha uıymdastyrylady. Balabaqsha basshylyǵy aldaǵy ýaqytta M.Mon­­tessorı tehnolo­gııasy negizinde balanyń ıntel­lek­týal­dy-shyǵarmashylyq qabi­letin damytýǵa arnalǵan jáne ınno­vasııalyq tehnologııalardy engizýdi josparlap otyr. Jalpy, oblys ortalyǵynda halqymyzdyń ulyq merekesi Naý­ryzdyń qarsańynda 670 orynǵa arnalǵan 10 balabaqsha ashyldy. Osy atalǵan mektepke deıingi me­kemelerde barlyǵy 150 adam eńbekkke ornalasty. Mereke kúnderi osynshama bala men olardyń ata-anala­ry qýanyshqa bólendi. Buǵan deıin memleket-jekemenshik áriptestigi aıasynda jumys isteı­tin balabaqshalar sany 33 bolsa, endi olardyń qatary 43-ke jetti. Bul baǵyt aldaǵy ýaqytta da jalǵasyn tabatyn bolady.  Satybaldy SÁÝIRBAI, «Egemen Qazaqstan». Aqtóbe oblysy.