"Atletıko" Chempıondar lıgasynyń fınalyna bir qadam jasady

ASTANA. 28 sáýir.  Osy kúnderi Madrıd qalasynyń «Real» men «Atletıko» klýbtary búkil Eýropany dúrildetip tur.  Qazir olar Ispanııa chempıonatyn bylaı qoıǵanda,  qart qurlyqtyń basty klýbtyq jarysyn jeńip alýǵa jantalasyp jatyr. Bul týraly egemen.kz tilshisi habarlady. Keshe Chempıondar lıgasynyń jartylaı fınalynda «Real» Manchester qalasynan Pıreneı túbegine bir upaı áketse, búgin Madrıdte «Atletıko» Germanııanyń «Bavarııa» klýbyn 1:0 esebimen jeńip, fınalǵa bir qadam jasady. Bul kezdesýde «Atletıkonyń oıynshysy Nıges 11 mınýtta esep ashty. Onyń osy doby oıynnyń taǵdyryn sheshti. Budan keıin de komandalardyń gol soǵýǵa múmkindikteri boldy. Ásirese, «Bavarııa» ekinshi taımda esepti teńestirýge talaı múmkindikterdi jiberip aldy. Germanııa klýbynyń Levandovskı, Koman, Rıberı, Vıdal men basqa da oıynshylary qaýipti jaǵdaılar jasady. Alaıda, olar tablodaǵy esepti ózgerte almady. Kezdesýde  komandalar «Vısente Kalderon» stadıonynan  teń eseppen tarqasty. Endi kelesi aptada  Mıýnhendegi «Alıans Arena» stadıony«Atletıko» men «Bavarııaǵa» naǵyz synaq alańy bolady.  Osy oıynda Chempıondar lıgasynyń fınalyna qaı jasaqtyń baratyny anyqtalady. ÝEFA Chempıondar lıgasy 1/2 fınalyndaǵy qarsylastardyń birinshi matchy. 27 sáýir. Madrıd. «Vısente Kalderon» stadıony.   Tóreshi: Mark Klattenbýrg (Anglııa) «Atletıko»(Madrıd): Oblak, Lýıs, Savıch, Hımenes, Hýanfran, Aýgýsto, Koke, Gabı (kapıtan), Nıges (Tomas 85’), Grızmann, Torres  «Bavarııa»:Noıer, Bernat (Benatıa 77’), Alaba, Martınes, Lam (kapıtan), Alonso, Vıdal, Alkantara (Mıýller 70’), Kosta, Koman (Rıberı 64’), Levandovskı Eskertý aldy: Nıges 85’ — Kosta 40’, Noıer 82’, Benatıa 82’ , Vıdal 88’ Gol: Nıges 11’ Dastan Kenjalın. Derek, foto: eurosport, euro-football.ru, EPA/URG Vıdeo: vkontakte áleýmettik jelisi.