Zerde • 09 Qazan, 2024
Bıyl qazaq halqynyń daryndy týmasy, ulttyq arheologııa mektebiniń negizin qalaýshy, folklortanýshy, ónertanýshy, shyǵystanýshy, Qazaqstan Ǵylym akademııasynyń akademıgi Álkeı Marǵulannyń týǵanyna 120 jyl tolyp otyr. Osy oraıda myna bir ulylar úndestigi haqynda aıtpaı ketýge bolmas. О́ıtkeni, bul oqıǵa bolashaqqa úlgi hám qazirgi bizdiń aıtyp júrgen urpaq sabaqtastyǵynyń aıqyn kórinisi ispetti.
Mıras • 03 Qazan, 2024
Osy aptanyń seısenbisinde elorda tórinde ornalasqan Ulttyq mýzeıde Qaraǵandy oblys ákimdigi Mádenıet, arhıvter jáne qujattama basqarmasyna qarasty salalas mekeme tarıhı-ólketaný mýzeıiniń uıymdastyrýymen 20 qyrkúıek – 1 qazan aralaǵynda Ulyq ulys – Joshy handyǵynyń 800 jyldyq mejeli datasyna oraı atqarylǵan respýblıkalyq dárgeıdegi «Talas – Ulytaý – Saraıshyq» atty tarıhı-etnografııalyq ekspedısııasynyń qorytyndysyna arnalǵan dóńgelek ústel ótti.
Dástúr • 20 Qyrkúıek, 2024
Aman Aýǵanbaıuly deıtin jetpisti eńserip qalǵan aǵamyz bar. О́zi sonaý jyldary Altaıdyń arǵy betinen kelgen. Bul kisiniń basqa qazaqtardan aıyrmashylyǵy – qyp-qyzyl ultshyl. Ámbe qazaǵy aıly aspannyń juldyzyndaı jamyrap ketken soltústik óńirde turady. Qashan kórseńiz, eki aıaqty kósilip tastap, bireýlermen qyzylsheke daýlasyp otyrǵany. Sondaǵy aıtatyny: «Sender nege qazaqsha sóılemeısińder?».
Pikir • 18 Qyrkúıek, 2024
Úndi qaıratkeri Javaharlal Nerý: «Otar eldiń tarıhyn otarlaýshy jazady» degendeı, kezinde birtýar aqyn Ǵafý Qaıyrbekov: «Osy basqanyń patshalarynyń bári jaqsy , qazaqtyń handary nege jaman?», dep keńestik qoǵamǵa suraq qoıǵany da belgili. Rasynda, otarlanǵan eldiń shynaıy tarıhy eshqashan jazylmaıdy.
Dúnıejúzilik kóshpendiler oıyndary • 11 Qyrkúıek, 2024
Dúnıejúzilik kóshpeliler oıyndarynyń tizimindegi mańyzdy saıys túri – kókpar. Atalǵan oıynnyń shyǵý tórkini týraly zertteýshi Á.Qalıuly: «Qazirgi kókpar tartý áýelde áleýmettik máni bar áskerı mashyqtyń qajetinen týǵan asa qundy saıys túri» deıdi.
Ádebıet • 29 Tamyz, 2024
Keńes odaǵy jyldary ult muraty úshin eńbek etken qalamgerdiń biri – túrkolog, fılologııa ǵylymdarynyń doktory, professor, qazaq folklory men kóne túrki jyr mátinderin zertteýshi Áýelbek Qońyratbaev. Bul kisi 1946 jyly atalas aǵaıyny Qajymuqan balýanǵa jolyǵyp, onyń ájesi alyp Aısary týraly esteligin jazyp alypty. Arab árpimen qaǵazǵa túsken qoljazba qazir Ortalyq ǵylymı kitaphananyń sırek muralar qorynda (Q.950, 2-dáp) saqtaýly tur.
Dúnıejúzilik kóshpendiler oıyndary • 29 Tamyz, 2024
Qyrkúıek aıynyń 8–13 aralyǵynda Astana qalasynda ótetin asa iri mádenı-sporttyq saıys – V dúnıejúzilik kóshpeliler oıyny. Qazirgi tańda daıyndyq jumystary júrgizilip jatyr. Dúbirli dodanyń ashylý saltanaty 8 qyrkúıekte «Astana Arena» stadıonynda ótse, budan bir kún buryn kóshpeliler oıynyń barlyq mádenı is-sharasy ótetin Etnoaýyldyń ashylýy josparlanǵan.
Mıras • 19 Tamyz, 2024
Sadaqtyń eki basyn qosyp baılaǵan jipti adyrna nemese kerme jip deıdi. Ol berik jipten nemese jibekten, taramystan óriledi. Mindeti – oqty nysanaǵa qaraı ushyrý. Kerme jip sadaqtyń bir basyna myqtap bekitilip, ekinshi basy sadaqty bosatyp turý úshin almaly tuzaq túrinde alynyp salynady. Adyrnasy qatty serpigende suǵyn jarylyp nemese setinep ketpes úshin onyń ıinmen tutasqan bóligine súıekten qorǵanysh ornatylady. Ony tobyq (tobyrshyq) dep ataıdy. Adyrna: kúderi adyrna, qaıys adyrna dep bólinedi.
Abaı • 10 Tamyz, 2024
10 tamyz – Abaı kúni. Bul – rýhanııat merekesi hám zor tálim toıy. Fılologııa ǵylymdarynyń doktory, abyz qarııa Mekemtas Myrzahmetov: «Bul kúndi qazaq uzaq kútti. Tirisinde aqıqatty, ádildikti jaqtap, ǵylymdy tý kótergen, sońyna jaquttaı jarqyraǵan qazyna qaldyrǵan janǵa qatysty dúnıelerdiń eshqaısysyna nemquraıdy qaramaýymyz kerek» degen eken.
Jádiger • 07 Tamyz, 2024
Eýrazııa aýmaǵynda bılik júrgizgen Joshy ulysynyń aqsha aınalymy haqynda aıtýdan buryn sol tusta, ıaǵnı orta ǵasyrda dúnıejúzilik saýda-sattyq isi qalaı júrgizilip keldi degenge toqtalǵan jón. Bul dáýirdiń ekonomıkasy men aqsha aınalymyn zerttegen amerıkalyq tarıhshy-sosıolog Janet Abý - Lýgodtyń (Janet Abu-Lughod) tujyrymyna nazar aýdarsaq, HIII ǵasyrdyń ekinshi jartysynda eýrazııalyq aýmaqta bılik júrgizgen Joshy ulysynyń yqpaly nátıjesinde kúlli álemdi qamtyǵan ekonomıkalyq saıasatta buryn-sońdy bolmaǵan birneshe oń ózgeris paıda bolǵany týraly aıtylypty.
