Densaýlyq • 20 Jeltoqsan, 2023
Medısına salasyn qarjylandyrý kólemi jyl saıyn ósetini túsinikti. Áıtkenmen, Mindetti áleýmettik medısınalyq saqtandyrý (MÁMS) júıesi iske qosylǵanǵa deıin medısınalyq qyzmetterge shamamen 1 trln teńgeniń tóńireginde qarjy bólinse, keler jylǵa satyp alý jospary 2,8 trln teńgeni qurap otyr. Byltyrdyń ózinde MÁMS júıesinde 11,4 mln adamǵa medısınalyq kómek kórsetilipti.
Qazaqstan • 16 Jeltoqsan, 2023
Egemendiktiń eleń-alańynda otyz jyldan keıingi halyq ósiminiń qalaı bolaryn eshkim oılamasa kerek. Ol kezde keńestik iri zaýyt-fabrıkalardyń jumysy toqtap, eldiń naryqtyq ekonomıkadan habary bola qoımady. О́z aldyna derbes memleket atanǵanyna táýbe etken halyqty «eldiń bolashaǵy jarqyn bolady» degen úmit, senim jigerlendirdi. Táýbe, jaqynda 20 mıllıonǵa jettik degen habardy estip, tóbemiz kókke jetkendeı qýandyq.
Qoǵam • 13 Jeltoqsan, 2023
Turǵyn úı baǵdarlamasynyń tıimdisi qaısy?
Naryq zamanynyń talaptaryna beıimdele bastaǵanymyzdan bolar, qazir «qarjylyq saýat» degen tirkes, tirkes emes-aý, uǵym paıda boldy. Úı alýdy kóksep júrgen aǵaıyn jıǵan-tergenin únemdep, basy artyq kiristi shama kelse shotta jınaýǵa áýestene bastady. Áıtkenmen birdi ekige qosyp, áýpirimdep júrip úı alýdy maqsat etken otbasylardyń barlyǵy birdeı tıimdi sharttarmen baspanaly bola bermeıdi. Kúmándi kompanııalarǵa urynyp, san soǵyp qalǵandar da joq emes. Qoǵamdaǵy osyndaı jaıttardy oı eleginen ótkize kele, «Turǵyn úı alýdyń tıimdi joly qaısy?» degen saýaldy dóńgelek ústeldiń taqyrybyna arqaý ettik. Dóńgelek ústelde Parlament Májilisiniń depýtaty Dáýlet Muqaev, «Otbasy banki» Almaty qalalyq fılıalynyń dırektory Danagúl Túsipova, ekonomıst, qarjy sarapshysy Aıbar Oljaı, Astana qalasy ákimdiginiń «Turǵyn úı qory» KMM dırektory Nursulý Qojahmetova, turǵyn úı boıynsha sarapshy Ulan Dáýletqalı turǵyn úı salasyndaǵy ózgeristerdi saraptaı kele, aqyl-keńesin de aıtty.
Densaýlyq • 12 Jeltoqsan, 2023
Qyzylshadan vaksına ǵana qutqarady
Qazan aıynan beri eldiń barlyq aımaǵynda jiti respıratorlyq vırýstyq ınfeksııa juqtyrǵan naýqas kóbeıgen. Jyl saıyn qys qaharyna mingenge deıin juqpaly aýrýlar biraz ábigerge salatyny bar. Sol sekildi bıyl qyzylshamen aýyrǵan bala kóp. Dárigerler kúzde balalardyń basym kópshiligi qyzylshaǵa qarsy vaksına salmaǵannan aýyrǵanyn aıtyp, eskertti. Sodan elemegen aýrý azýyn batyrdy. Biz Astanadaǵy №3 kópbeıindi qalalyq balalar aýrýhanasyna barǵanda jaǵdaıdyń máz emes ekenin túsindik.
Aımaqtar • 06 Jeltoqsan, 2023
Qaıta óńdelgen ónim úlesi ulǵaıtylady
Keshegi shóbine sýy jetetin Jambyl óńirinde aýyl sharýashylyǵy salasyn túletip, ónimdi artyǵymen alýǵa múmkindik mol. Oblys basshylyǵy sharýaǵa sý jetkizýdiń qamyn biraz oılastyra kele joba-josparyn naqtylaǵan. Bul týraly Jambyl oblysynyń ákimi Erbol Qarashókeev Ortalyq kommýnıkasııalar qyzmetinde ótken baspasóz konferensııasynda tarqatyp aıtyp bergen edi.
Suhbat • 01 Jeltoqsan, 2023
Kamaljan NADYROV: Maqsatymyz – básekege qabiletti dáriger daıarlaý
Medısına salasyna qaı kezde de tájirıbeli maman qajet. Memleket kadr daıarlaý isin úılestirip otyrǵan oqý oryndaryna senim artady. Astana medısına ýnıversıtetiniń rektory Kamaljan Nadyrovpen suhbattasýdyń sáti túskende medısına mamandaryn daıarlaýdaǵy jańashyldyqtar týrasynda suraǵan edik.
Elorda • 01 Jeltoqsan, 2023
Astana – iskerlik týrızmniń bastaýy
Bizge bilinbes, biraq jyl saıyn kýrortty elderdiń iri kompanııalary ózara baqtalasyp, týrısterdi tartý úshin túrli qadamǵa barady. Qomaqty qarjy qarastyryp, jarnamaǵa janyn salady. Qońyrjaı klımattyq beldeýde ornalasqan elimizdiń tabıǵaty jaǵajaı týrızmin jandandyrýǵa qolaısyz. Qaımyǵatyn dáneńe joq, bilgenge týrızmniń san taraýly tarmaǵy bar. Mysaly, sheteldik qonaqtar Astanaǵa iskerlik týrızmmen kelip, sáti túsip jatsa, irgeles aýdandardy aralap, ólkeniń baı tarıhymen tanysýǵa tyrysady.
Densaýlyq • 30 Qarasha, 2023
Qyzylshaǵa qarsy vaksınany kúni buryn saldyryp, aýrýdyń aldyn alýdy oılaǵandardan bólek, vaksınadan úzildi-kesildi bas tartyp otyrǵan turǵyndar da joq emes. Sonyń saldarynan bolar, qarashada qyzylshanyń tipten asqynǵany baıqalyp, juqpaly aýrýǵa qarsy jappaı ımmýndaý bastaldy. Dárigerler qyzylshany ótpeli aýrý sanap, beıqam júrýge bolmaıtynyn eskertedi. О́ıtkeni aýrý asqynyp, beti qaıtpasa, saldary es jıdyrmaýy múmkin. Keıingi derekterge súıensek, elimizde 17 myńnan asa adamnan qyzylsha anyqtalǵan. Olardyń 82 paıyzy balalar bolsa, osy qatardaǵynyń kópshiligi – vaksına almaǵandar.
Qoǵam • 28 Qarasha, 2023
Sarapshylar damýshy elderde ýrbanızasııa úderisi joǵary bolatynyn aıtady. Qala halqynyń sany ósken saıyn, sýǵa jaýapty mekemelerge salmaq túsedi. Muny úılestirýge kelgende uzaqmerzimdi jobalar qajet-aq. Sýdyń jaıyna Úkimet, óńir basshylarymen qosa sharýalar da alańdaýly. Keıbir óńirler «keńesip pishken ton kelte bolmas» dep sýdy az qajet etetin ónimderdi ósirýge yńǵaılana bastady. Quptarlyq is, sý az keletin mezgilde joqtan bar jasaımyn dep bosqa shyǵyndalýdyń qajeti qansha?!
Joba • 24 Qarasha, 2023
Ulttyq statıstıka bıýrosy «Demo day» is-sharasyn ótkizip, sıfrlyq transformasııanyń nátıjelerin tanystyrdy. Bıýro josparlaǵan Sıfrlyq transformasııa portfeli 71 jobadan turady. Bul mejeli mindettiń 23-i bıyl oryndalsa, basqa jobalar 2026 jylǵa deıin tolyq iske asady eken.
