Sharýashylyq • 30 Qańtar, 2024
Mal sharýashylyǵymen aınalysyp júrgen tanys jigittiń qala mańynan bordaqylaý alańyn turǵyzǵanyn bilemin. Ala jazdaı 150 bas iri qaraǵa eseptelgen qora saldy. Kúzde malshy otbasy izdep, áýpirimdep tapqany bar. Elden kelgen taı-jabaǵysy aralas 100-den asa maldyń jaıyn biletin adam kerek ekeni belgili. Onyń ózi bordaqyǵa turǵan mal bolsa, kúndelikti jemshóbin aıyrmaıtyn, jylqy jaıyn biletin malshy ustaý, tanystyń armany bolǵan.
Suhbat • 30 Qańtar, 2024
Nurlan Ábdirov: Maqsat – azamattardyń erkin tańdaýyna jaǵdaı týǵyzý
Prezıdent Qasym-Jomart Toqaev ótken jyly VIII shaqyrylymdaǵy Parlamenttiń 1-sessııasynyń ashylýynda sóılegen sózinde: «Biz Otanymyzdy órkendetý jolynda zor betburys jasap, jańa dáýirge qadam bastyq. Biraq ózgerister munymen bitpeıdi. Bul – uzaq joldyń basy ǵana. Reformalar jalǵasa beredi, saıası qurylymdy jetildirý qajet. Bul – asa mańyzdy jumys», degen bolatyn. Osy oraıda elimizdiń saılaý organdaryna da júktelip otyrǵan mindet zor ekenin eskere otyryp, Ortalyq saılaý komıssııasynyń tóraǵasy, zań ǵylymdarynyń doktory Nurlan Ábdirovke birneshe saýal qoıǵan edik.
Ekonomıka • 30 Qańtar, 2024
Bereshegimiz hám keleshegimiz nemese syrtqy qaryz sındromyna salqynqandylyq kerek
Halyqty tolǵandyratyn basty máseleniń biri – memlekettiń syrtqy qaryzy. Buǵan qoǵam beıjaı qaramaıdy. Taıaýda osy máselege qatysty tyń derekter shyqty. Qazaqstannyń syrtqy qaryzy bir jyl ishinde 1,3 mlrd dollarǵa ósip, 162 mlrd-ǵa jaqyndap qaldy.
Egemen Qazaqstan • 29 Qańtar, 2024
Memleket basshysy Qasym-Jomart Toqaev «Egemen Qazaqstan» gazetine bergen suhbatynda: «Naýryz – jańarý men jańǵyrýdyń sımvoly. Sondyqtan tól merekemizdiń mazmunyn baıytyp, ony barynsha erekshelep, jańasha atap ótýimiz kerek. Bul qadam qoǵamdy uıystyryp, ulttyq biregeıligimizdi aıshyqtap, el birligin nyǵaıta túsýge yqpal etedi dep senemin», dep aıtqan edi. Osy oraıda qoǵamdy tutastandyrýdyń salmaqty ózegi, ulttyq birlik pen tatýlyqtyń aıryqsha arqaýy – Naýryz meıramyn jańasha sıpatta atap ótýdiń jolyn keńesý maqsatynda bilikti mamandardy shaqyrdyq. «Qazaq gazetteri» seriktestiginiń bas dırektory Dıhan Qamzabekuly moderatorlyq etken bul jıynǵa etnolog, tarıh ǵylymdarynyń doktory, professor Jambyl Artyqbaev, Parlament Májilisiniń depýtaty, «Amanat» partııasy fraksııa jetekshisiniń orynbasary Juldyz Súleımen, naýryztanýshy Serik Erǵalı, Astana qalasy ózbek etnomádenı ortalyǵynyń tóraǵasy, Ulttyq quryltaı múshesi Sherzod Pýlatov, R. Baǵlanova atyndaǵy «Qazaqkonsert» memlekettik akademııalyq konserttik uıymynyń kórkemdik jetekshisi Erlan Rysqalı, «Halyq qazynasy» ulttyq óner ortalyǵynyń jetekshisi Jasulan Naýryzbaıuly qatysyp, oı-pikirlerin ortaǵa saldy. Basqosýda myna máseleler kóterildi: Naýryzdy qazirgi zaman formatyna saı qoǵamnyń tutastyǵy men birligine qyzmet etetindeı uıymdastyrýdyń joly qandaı? Naýryz meıramynyń mazmunyn salt-dástúrdi, eldik, etnostyq qundylyqtardy nasıhattaýmen birge nemen tolyqtyrýǵa bolady? Naýryzǵa qatysty óńirlik erekshelikterdi birizdendirý, normalaý týraly pikirińiz. Naýryz meıramyn elimizdegi túrli etnos ókilderiniń yntymaǵyna, berekesine aınaldyrýdyń tetigi. Naýryzdyń mazmuny – «tatýlyq meıramy», osy úrdisti eldik dástúr deńgeıine kóterýdiń mańyzy. Keńestik ıdeologııanyń Naýryz meıramyn shekteýiniń astarynda derbestik, demokratııalyq negizdi kórgeni baıqalady, endeshe búgingi sanadaǵy túrli qıyndyqty saýyqtyrýǵa, salamattandyrýǵa Naýryz qundylyqtaryn paıdalanýdyń joly qaısy?
Halyq • 29 Qańtar, 2024
Sheshen azamatynyń ımandylyq ónegesi
Atbasar aýdanynda sheshen azamattary Han Kene batyrlarynyń biri Qarabaı qurmetine meshit turǵyzyp berdi. Yntymaq uıyǵan, yrys quıylǵan aýyldyń tirshiliginen janashyr jurttyń aýyzbirligi, shúleńger azamattardyń sharapaty ańǵarylyp turady. Osyndaı úlgili kóriniske Atbasar aýdanynyń Sergeevka aýylynda kýá boldyq. Qansha ýaqyttan beri kóptiń tileýinde júrgen jańa meshittiń qurylysy bastamashyl azamattardyń aralasýymen aıaqtalyp, jyl basynda ashyldy.
