Rýhanııat • 02 Tamyz, 2019
Jazǵy kanıkýl kúnderi Baıanaýylǵa demalýǵa Mońǵolııadan qazaq dıasporasynyń balalary kelip, olar «Jas dáýren» ortalyǵyna ornalasty. Olardy oblys ákimdigi, bilim berý basqarmasynyń mamandary, aq jaýlyqty apalar shashý shashyp, atalar arnaý aıtyp qarsy aldy.
Aımaqtar • 02 Tamyz, 2019
Sóıtip Jandos Tókish endi bir aı boıy kásipker Alekseı Mazýrdyń ashanasynan tegin tamaqtanady.
Aımaqtar • 02 Tamyz, 2019
Almaty men Shymkent qalasynyń turǵyndary endi Iаndeks kartalary arqyly velosıpedpen serýendeýdi josparlaı alady. Baǵdarlardy saıtta nemese iOS jáne Android qurylǵylaryna arnalǵan qosymshada qurýǵa bolady.
Aımaqtar • 02 Tamyz, 2019
Oral áýejaıynyń ǵımaraty jańarady
Oral qalasyndaǵy halyqaralyq áýejaı ǵımaratyn qaıta qurý jáne jańǵyrtý jumystary bastaldy. Jobanyń bastamashysy – «Oral» áleýmettik kásipkerlik korporasııasy bolsa, qajetti qarjyny óńirdegi eń iri Qarashyǵanaq kenishin ıgerýshi KPO.b.v kompanııasy bólip otyr.
Sport • 02 Tamyz, 2019
Quralbek Ordabaev: Qazaq fýtbolynyń bolashaǵynan úlken úmit kútemin
Quralbek – qazaq fýtbolynyń ardageri, áıgili qaqpashy. Qazaq KSR-niń eńbek sińirgen jattyqtyrýshysy. KSRO sport sheberi. О́tken ǵasyrdyń 70-jyldary «Qaırat» fýtbol komandasynyń sapyna qabyldanyp, atalmysh klýb qaqpasyn 12 jyl (1971-1982) qorǵaǵan áıgili fýtbolshy. Ásirese, 11 metrlik aıyp dobyn qaıtarýda odan asqan sheber bolmaǵan. Kezinde KSRO quramasynyń beldi fýtbolshysy jáne kıevtik «Dınamonyń» shabýylshysy, «Altyn dop» ıegeri, KSRO chempıonatynda 211 gol soqqan ataqty Oleg Blohınnyń ózi Quralbek aǵamyz jaıly bylaı degen eken: «Meniń «Spartak», «Torpedo», taǵy basqa komandalarǵa soqqan dobym esimde. Biraq maǵan «Qaıratqa» gol soǵý óte aýyr boldy. О́ıtkeni komandanyń qaqpashysy Ordabaevtan óte almadym. Quralbek penaltı qaıtarýdyń asqan sheberi edi». Mine, bizdiń Qurekeńdi myqtylardyń ózi moıyndaǵan. Sol sııaqty osy jyldary Odaq kólemine taraıtyn úlken bedelge ıe «Sovetskıı Sport» gazetiniń 1973 jylǵy sáýir aıynyń 24-i kúngi sanynda qazaq qaqpashysy Quralbek jaıly: «...almatylyq «Qaırattyń» qaqpashysy Quralbek Ordabaev bıylǵy kóktemniń ózinde komandasyn penaltıden tórt ret jeńiske jetkizdi. Ol «Pahtakor» jáne tbılısılik «Dınamomen» kezdesýlerde erekshe kózge tústi. Ásirese, máskeýlik «torpedoshylarmen» bolǵan oıynda eki ret 11 metrlik soqqyny qaqpasyna darytpady» dep jazypty. Iаǵnı 1973 jyly bir maýsymda 16 penaltıdi qaıtaryp, KSRO chempıonatynda «penaltı qaıtarýdyń has sheberi» dep atanǵan Quralbekti Odaq jankúıerleri tolyq moıyndady. Quralbek Ordabaevpen birge oınaǵan fýtbolshylar da onyń penaltıden bólek oıyn kezinde «toǵyzdyqqa» kózdelgen dopty qalaı qaǵyp jiberetinin tamsana aıtady. Kezinde Qurekeńmen birge bir komandada dop oınaǵan Seıilda Baıshaqov: «Odaq birinshiliginde teń túsken eki komanda jeńimpazdy penaltı arqyly anyqtaıtyn zaman boldy. Sondaı sátterde biz Ordabaevqa senim artamyz. Ol bizge únemi jeńis syılaıtyn. Tipti qarsylastarymyzben teń túsken jaǵdaıda Quralbekke senip, aldyn ala jeńiske jetetinimizdi bilip otyrýshy edik. KSRO-nyń ataqty shabýylshylary bizdiń qaqpaǵa dop daryta almaı, pushaıman bolǵan sátterin talaı ret kórdim» deıdi. Sonymen... qazaq fýtbolynyń shejiresin paraqtasaq, Quralbek Ordabaev «Qaırat» qaqpasyn 185 ret qorǵaǵan eken. Ol «Qaıratqa» alǵash kelgen 1971 jyly Halyqaralyq temirjolshylar odaǵynyń kýbogyn jeńip aldy. Biz búginde mereıli 70 jasqa tolyp otyrǵan áıgili qaqpashymen suhbattasqan edik.
