Iаndeks kartalary velosıpedpen júrý úshin qolaıly joldar boıynsha baǵdarlardy belgileıdi. Bul – velojoldar, parkterdegi soqpaqtar jáne kólik kóp emes jol bólikteri. Mysaly, «Baıqońyr» metrostansasynan Saıranǵa deıin barǵysy keletin almatylyq velosıpedshige servıs Abaı dańǵyly emes, Shevchenko jáne Shákárim kóshelerimen júrýge keńes beredi.
Baǵdardy qurý kezinde jol keskini paıdalanylady. Bul qala joldarynyń tory. Ár jol ýchaskesi úshin onda velosıpedpen júrýge bolatyny ne bolmaıtyny kórsetilgen. Jobaǵa Velosıped oqıǵalary klýbynyń negizin qalaýshy Aleksandr Gabchenko jáne AlmatyBike qaýymdastyǵynyń negizin qalaýshy Anýar Djýsýpov úlken kómek kórsetti. Olar kartalardy redaksııalaýǵa velosıpedshilerdi shaqyryp, Iаndeks.Kartalar komandasyna keńes bergen eken.
«Velosıped kóliginiń damýy – álemdik trend. Qazaqstannyń iri qalalarynda da velojoldar men velojarys oryndary paıda bolýda. Velosıped qozǵalýdyń neǵurlym tanymal túrine aınaldy. Demek, navıgasııa qajettiligi paıda boldy. Jaqynda bul múmkindik Nur-Sultanda da paıda bolady», deıdi Qazaqstandaǵy Iаndeks aımaqtyq menedjeri Ivan Anoıkın.
«Egemen-aqparat»
