Foto: Ashyq derekkóz
Qaqtyǵystyń saldary retinde Ormuz buǵazyndaǵy teńiz tasymalyna qoıylǵan shekteýler eldiń munaı eksportyna tikeleı áser etti. Sonymen qatar, Iran tarapynan jasalǵan soqqylar men birqatar halyqaralyq is-sharalardyń toqtatylýy da ekonomıkalyq shyǵyndy ulǵaıtqan.
Bloomberg deregine sáıkes, 2026 jyldyń naýryzynda Saýd Arabııasynyń munaı eksporty 50% tómendep, táýligine 3,33 mln barrelge deıin azaıdy. Al aqpanda bul kórsetkish 6,66 mln barrel bolǵan.
Qazirgi tańda Persıd shyǵanaǵynda shamamen 55 mln barrel saýd munaıy tasymaldanbaı tur. Bul – álemdik naryqtaǵy eleýli kólem.
Eksportty turaqtandyrý úshin balama baǵyttar iske qosyldy. El bıligi munaı aǵyndaryn «Shyǵys-Batys» qubyry arqyly qaıta baǵyttaýǵa májbúr boldy. Bul qubyrdyń ótkizý qýaty táýligine shamamen 7 mln barreldi quraıdy.
Sonymen birge, Qyzyl teńizdegi Iаnbý porty arqyly eksport kólemi táýligine 3,2 mln barrelge deıin ósti, bul ótken jylǵy ortasha kórsetkishten tórt ese joǵary.
Barreline 120 dollar: Munaı baǵasy sońǵy 4 jyldaǵy rekordty jańartty
Eske salaıyq, AQSh pen Izraıldiń Iranǵa qarsy áskerı operasııasy bastalǵaly beri Ormuz buǵazy arqyly ótetin tasymal is júzinde toqtady. Buǵaz álemdik munaıdyń 20% jáne suıytylǵan gazdyń 30%-dan astamy ótetin mańyzdy baǵyt edi.
Qazir tasymal kólemi qalypty deńgeıdiń nebári 5%-yn qurap otyr, al álemdik naryq shamamen 400 mln barrel munaıdy joǵaltty.
Ormuz buǵazy aınalasyndaǵy jaǵdaı tek óńirlik emes, jahandyq energetıkalyq turaqtylyqqa tikeleı áser etip otyr. Qaqtyǵystyń uzaqqa sozylýy álemdik naryqtaǵy munaı baǵasyn aıtarlyqtaı ósirip, kóptegen elderdiń ekonomıkasyna aýyr soqqy berýi múmkin.
Táýligine 206 myń barrel: OPEK+ elderi munaı óndirisin arttyrýǵa kelisti
