Alǵashynda ol jasóspirimge pyshaq jaraqatyn saldy degen kúdikpen qamaýǵa alynǵan.
Marqumnyń advokaty Mýhammad Alıosman Oglynyń aıtýynsha, Sanııa oqıǵa aldynda ózine jynystyq sıpattaǵy qysym kórsetilgenin aıtyp, kómek suraǵan. Alaıda qorǵaýshy tergeý barysynda bul jaıtqa jetkilikti nazar aýdarmaǵanyn málimdedi.
Polısııa deregine sáıkes, alǵashqy oqıǵa 2 mamyrǵa qaraǵan túni tanysynyń úıinde bolǵan. Tergeý nusqasy boıynsha, janjal kezinde Sanııa kámeletke tolmaǵan jasóspirimge pyshaq jaraqatyn salǵan. Keıin ol qamaýǵa alynyp, eki aıǵa ızolıatorǵa qamalǵan.
Talǵarda zorlaý oqıǵasy boıynsha kúdikti ızolıatordan qashyp ketken
15 mamyrǵa qaraǵan túni boıjetkenniń jaǵdaıy kúrt nasharlaǵan. Aldyn ala málimet boıynsha, ol kameralas áıeldiń júrek aýrýyna arnalǵan dárisin shamadan tys iship qoıǵan. Aýrýhanaǵa jetkizilgenimen, birneshe saǵattan keıin qaıtys boldy.
Qazir atalǵan derek boıynsha qylmystyq is qozǵalyp, barlyq mán-jaı jan-jaqty tekserilip jatyr. Is Shymkent qalalyq polısııa departamenti basshylyǵynyń baqylaýyna alynǵan.
