Foto: istockphoto.com
Oqıǵa 5 maýsymǵa qaraǵan túni Azov teńizindegi Taganrog shyǵanaǵynda bolǵan. Shabýyl Túrkııadan Rostov-na-Doný portyna baǵyt alǵan «Natra» jáne «Zırkon» júk kemelerine jasalǵan. Kemeler tıisinshe Belız jáne Palaý memleketteriniń týy astynda júzip bara jatqan.
Ýkraına drondary Sankt-Peterbýrgke shabýyl jasady
Ázerbaıjan SIM baspasóz qyzmetiniń jetekshisi Aıhan Hadjızade oqıǵaǵa qatysty málimdeme jasady.
«Ushqyshsyz ushý apparattary bortynda jalpy sany 25 Ázerbaıjan azamaty bolǵan eki sheteldik júk kemesine soqqy jasady. Atalǵan kemeler Ázerbaıjan memleketine tıesili emes. Reseı tarapy shabýyl saldarynan bes azamatymyzdyń qaza taýyp, taǵy úsheýiniń jaralanǵany týraly aqparat berdi. Zardap shekkender Eısk qalalyq aýrýhanasyna jetkizildi», dedi Ázerbaıjan SIM baspasóz qyzmetiniń jetekshisi Aıhan Hadjızade.
Ázerbaıjan Syrtqy ister mınıstrligi qaza tapqandardyń otbasylary men jaqyndaryna kóńil aıtty. Sonymen qatar vedomstvonyń birneshe qyzmetkeri oqıǵa ornyna attanǵan.
Mınıstrliktiń málimetinshe, zardap shekken azamattardyń jaǵdaıy, olardyń elge qaıtarylýy jáne qajetti konsýldyq kómek kórsetý máseleleri erekshe baqylaýda tur.
Reseılik aqparat quraldarynyń habarlaýynsha, jaralanǵandardyń jaǵdaıy turaqty. Olar esin biledi jáne Krasnodar ólkesindegi Eısk ortalyq aýdandyq aýrýhanasynyń travmatologııa bóliminde em qabyldap jatyr.
