Foto: istockphoto.com
«Jibek joly» bazarynda júrgizilgen baqylaý-qadaǵalaý is-sharalary kezinde mamandar mindetti tańbalaýy joq jáne veterınarııalyq ilespe qujattarmen rásimdelmegen jumyrtqalardyń satylymǵa shyǵarylǵanyn anyqtady. Tárkilengen ónimniń jalpy kólemi 11 850 danany qurady.
Zerthanalyq saraptama nátıjeleri ónimniń qaýipsizdik talaptaryna jáne Qazaqstannyń qoldanystaǵy zańnamasyna sáıkes kelmeıtinin kórsetti. Osyǵan baılanysty jumyrtqalardyń barlyq partııasy arnaıy qurylǵan komıssııanyń qatysýymen belgilengen tártipke sáıkes joıyldy.
Zań buzýshylyqqa jol bergen tulǵalarǵa qatysty ákimshilik quqyq buzýshylyq týraly is qozǵalyp, tekserý materıaldary tıisti prosessýaldyq sheshimder qabyldaý úshin ýákiletti memlekettik organdarǵa joldandy.
Qazaqstan jumyrtqa ımportyna shekteý qoıdy: Naryqta otandyq ónim úlesi artty
Qazaqstan qus ósirýshiler odaǵy jumyrtqa ónimderiniń zańsyz aınalymyn anyqtaý jáne onyń jolyn kesý baǵytyndaǵy jumysty memlekettik organdarmen birlesip jalǵastyrýda. Anyqtalǵan barlyq quqyq buzýshylyq faktileri Aýyl sharýashylyǵy mınıstrligine, Saýda jáne ıntegrasııa mınıstrligine, Memlekettik kirister komıtetine jáne Sanıtarııalyq-epıdemıologııalyq baqylaý komıtetine joldanady.
Qoldanystaǵy shekteý sharalaryna qaramastan, elimizdiń birqatar óńirlerinde Reseıden ákelingen tańbalanbaǵan jumyrtqalardy satý faktileri áli de tirkelýde. Osyǵan baılanysty memlekettik organdar tutynýshylardyń quqyqtaryn qorǵaý jáne naryqtyń ashyqtyǵyn qamtamasyz etý maqsatynda respýblıka aýmaǵyndaǵy bazarlar men saýda nysandarynda júıeli tekserýler júrgizýdi jalǵastyryp keledi.
Eske sala keteıik, 2026 jylǵy 17 sáýirden bastap Qazaqstan Respýblıkasy Aýyl sharýashylyǵy mınıstriniń №146 buıryǵy kúshine enip, taǵamdyq taýyq jumyrtqalaryn Qazaqstan aýmaǵyna ákelýge ýaqytsha tyıym salyndy. Bul shara kóleńkeli ımporttyń jolyn kesýge, dempıngtik saýdanyń aldyn alýǵa jáne maýsymdyq suranys artqan kezeńde ishki naryqtaǵy baǵa turaqtylyǵyn saqtaýǵa baǵyttalǵan.
Jumyrtqa ımportyna ýaqytsha shekteý engizý tájirıbesi Qazaqstanda birneshe jyldan beri qoldanylyp keledi. Mundaı sharalar otandyq qus fabrıkalary ishki naryq suranysyn tolyq qamtamasyz etken kezeńderde qabyldanady. Bul qazaqstandyq óndirýshilerdi dempıngtik ımporttan qorǵaýǵa, otandyq ónim óndirýshiler úshin ádil básekelestik orta qalyptastyrýǵa jáne tutynýshylar úshin baǵanyń turaqtylyǵyn qamtamasyz etýge múmkindik beredi.
