Foto: Ashyq derekkóz
Bolgarııa úsh jyldyq úzilisten keıin «Evrovıdenıe» baıqaýyna saltanatty túrde oraldy. Jeńimpaz án 516 upaı jınady: 204 – qazylar alqasy daýys berse, 312 – kórermenderdiń daýys berý nátıjesi boıynsha anyqtaldy. Uıymdastyrýshylar qazylar alqasy men kórermender bir aýyzdan jeńimpazdy tańdaǵan jaǵdaı 10 jylden beri birinshi ret bolǵanyn atap ótti.
Bangaranga ánin Enn Djýdıt Stokke Vık, Darına Iotova (DARA), Dımıtrıs Kontopýlos jáne Monoir jazǵan.
Bangaranga ózinen keıin ekinshi oryn alǵan ándi 173 upaıǵa artqa tastap, taza jeńiske jetti. Bul 2009 jyly Máskeýdegi «Evrovıdenıe» baıqaýynda Aleksandr Rybaktyń Fairytale áninde bolǵan 169 upaılyq rekordty jańartyp otyr.
Ekinshi oryndy Izraıldyq Noam Bettannyń oryndaýyndaǵy Michelle áni ıelense, úshinshi oryn Rýmynııadan barǵan Aleksandra Kapıtaneský men Shoke Me-ge buıyrdy.
Avstralııa men Italııa ánshileri tórtinshi jáne besinshi oryndardy ıelenip, úzdik bestikti túıindedi.
Buǵan deıin qazaqstandyq talantty ánshi Nurjas Sadyrbaevtyń «Voice Beyond Horizon» halyqaralyq jobasynda jeńiske jetkenin habarlaǵan edik.
