«Serahs» temirjol beketinde gýmanıtarlyq júkti Irannyń Qyzyl Jarty Aı qoǵamyna tapsyrý rásimi ótti.
Is-sharaǵa Qazaqstan Respýblıkasynyń Iran Islam Respýblıkasyndaǵy Tótenshe jáne О́kiletti Elshisi Ońtalap Ońalbaev, Iran Qyzyl Jarty Aı qoǵamynyń ókilderi, sondaı-aq Iran Islam Respýblıkasy Syrtqy ister mınıstrliginiń Horasan-e Razavı provınsııasyndaǵy (Meshhed q.) ókildiginiń basshysy Ǵolamabbas Arbab Hales qatysty.
Gýmanıtarlyq júk quramyna et konservileri, qant, birinshi sortty un, medısınalyq buıymdar men dárilik zattar kirdi. Qazaqstan tarapynan jiberilgen gýmanıtarlyq kómek Iran halqyna qoldaý kórsetýge jáne áleýmettik mańyzy bar qajettilikterdi qamtamasyz etýge baǵyttalǵan.
Qazaqstan Elshisi Ońtalap Ońalbaev Iran Qazaqstannyń Taıaý Shyǵys pen ıslam álemindegi mańyzdy saıası, saýda-ekonomıkalyq jáne gýmanıtarlyq seriktesteriniń biri ekenin atap ótti.
«Dostar qıyn qystaý kezeńde synalady. Qazaqstan túrli kezeńderde Iran halqyna qoldaý kórsetip keledi», dep atap ótti Elshi.
О́z kezeginde Iran Qyzyl Jarty Aı qoǵamynyń ókili Qazaqstan tarapyna kórsetilgen gýmanıtarlyq kómek úshin rızashylyǵyn bildirip, bul qadam eki el arasyndaǵy ekijaqty qatynastardy jáne ózara qoldaýdy odan ári nyǵaıtýǵa yqpal etetinin jetkizdi.
30 vagon gýmanıtarlyq júk Tegeran qalasyna jetkizilip, tıisti mekemeler arasynda bólindi.
Buǵan deıin Ázerbaıjannyń Iranǵa gýmanıtarlyq kómek jibergenin jazǵan edik.
