Foto: Aqorda
Agenttik tóraǵasy Janat Elımanov bıýdjet shyǵystaryna júrgizilgen monıtorıng kezinde mal sharýashylyǵy salasyna bólingen 30 mıllıard teńge sýbsıdııany tıimsiz paıdalaný táýekelderi anyqtalǵanyn aıtty.
Ǵylymı zertteýler men ǵylymı-tehnıkalyq nátıjelerdi kommersııalandyrýǵa baǵyttalǵan 10 mıllıardtan asa teńgeni maqsatsyz jumsaý belgileri aıqyndalǵan.
Mindetti áleýmettik medısınalyq saqtandyrý qarajatyn jymqyrý faktileri boıynsha 14 sotqa deıingi tergeý bastalǵan, al qurylys salasynda 5,3 mıllıard teńgeni zańsyz ıemdenbek bolǵan jandarǵa qatysty 21 qylmystyq is qozǵalǵan.
Alaıaqtyq áreketterdiń aldyn alý boıynsha 17 qarjy pıramıdasynyń qyzmeti toqtatylǵany jáne bankter men baılanys operatorlarynyń atyn jamylyp, arnaıy qurylǵylar arqyly jappaı fıshıngtik SMS-habarlamalar taratqan top áshkerelengeni jóninde esep berdi.
Jalpy aýdıtorııasy 25 myńnan asatyn 3,7 myń alaıaqtyq saıt jáne 22 toptyq chat jabylǵan. 400-den astam jalǵan qurylys kompanııasynyń zańsyz túrde birinshi sanattaǵy lısenzııa alýyna jol berilgen joq.
Prezıdent Sberbanktiń basqarma tóraǵasy German Grefti qabyldady
Sondaı-aq J. Elımanov qylmystyq tabystardy jylystatýǵa qarsy kúres salasynda atqarylǵan jumystardy tanystyrdy.
Atap aıtqanda, zańsyz shemalarda qoldanylǵan drop-kartalarǵa qatysty 14 sotqa deıingi tergeý bastaldy, olardyń esepshotyndaǵy qarjynyń jalpy aınalymy 13 mıllıard teńgeden asqan.
«Kóleńkedegi» tulǵalarǵa rásimdelgen 68 myńnan astam karta buǵattalǵan. Jalǵan kompanııalar men qujattardy paıdalaný faktileri boıynsha 23 is tirkelgen, keltirilgen zalal – shamamen 13 mıllıard teńge.
Qarjylyq pıramıdalar, onlaın-kazıno jáne alaıaqtyqtan túsken tabysty jylystatýmen aınalysqan 3 jasyryn krıptoaıyrbastaý qyzmetiniń joly kesildi. Krıptovalıýta aıyrbastaýǵa qatysty zańsyz onlaın servısterge kirýge arnalǵan 483 silteme joıylǵan.
Memleket basshysy Agenttiktiń negizgi baǵyttary boıynsha birqatar naqty tapsyrma berdi.
