ASTANA. 22 mamyr. Qytaıdyń fýerdaı degen at alǵan jańa jas býyndy mıllıonerleri qataryna jatatyn bir stýdenti Kanadanyń Vankýver qalasynda 31 mıllıon dollarǵa keremet osobnıak satyp aldy. Bul týraly «Lenta.rý» aqparyna súıengen egemen.kz tilshisi habarlady.
Jasy 20-dan jańa asqan stýdentte bul qaıdan júrgen baılyq? Agenttik tilshisi bul suraqtyń jaýabyn Aspanasty elinen shyqqan bir top jastyń Instagram áleýmettik jelisindegi akkaýntynan taýypty. Munyń ózi «qytaı kommýnızmi» dep atalatyn naryq júıesiniń arqasynda múmkin bolyp otyr.
Qap túbinde altyn kezdik jatpaıdy. Qytaıdyń jas baı azamattary – fýerdaılar týraly aqparlar baspasóz betterinde keıingi kezderde oqtyn-oqtyn kórinip qalyp jatady. Máselen, 2012 jyly eldegi joǵary laýazymdy sheneýniktiń uly óziniń Ferrari 458 Spider kóligimen jol apatyna túsip qalǵan kezde bul faktiden bir habar bilindi. Sol sııaqty 2016 jyly eki jas jigittiń Beıjińdegi tonnelde sýperkarlarymen «kezdesip qalýlarynan» soń fýerdaılardyń kim ekenderi týraly taǵy áńgime qozǵaldy. Al mundaı jaǵdaı qytaı qoǵamynda árdaıym ashý-yza men narazylyqtyń daýylyn bir soqtyryp ótip turady.
Osyǵan baılanysty QHR tóraǵasy Sı Szınpın halyqtyń tilegine oraı sheneýnikter men bıznesmender balalarynyń minez-qulyqtaryn udaıy baqylaýda ustap turýǵa ýáde berdi. 2016 jyldyń mamyrynda mundaı balalardyń televıdenıedegi áldeqandaı bir realtıt-shoýlarda kórinýlerin tyıym salyndy. Budan bólek, bas hatshy «altyn baýly jastardy» ıýanniń qadirin bilýdi úırenýge shaqyryp, 70 fýerdaıdy eńbek-tárbıe lagerine jibertti.
Sı sondaı-aq arnaıy departament qyzmetkerlerine mıllıarderler balalarynyń ómirlerin udaıy baqylaýda ustap, olardy týra jolǵa salyp otyrýdy tapsyrdy.
Biraq báribir Instagram-dy aldaı almaısyń: fýerdaılardyń isi toqtaǵan joq.
Talǵat Raıymbek.
Derek, foto: Lenta.Rý.