QARAǴANDY. 23 mamyr. Qaraǵandy qalasynyń ákimi Nurlan Áýbákirov mádenıet jáne óner adamdaryna jeti atalym boıynsha árqaısysy 100 myń teńgeniń sertıfıkattaryn tapsyrdy. Bul týraly qala ákiminiń baspasóz qyzmetine silteme jasaǵan egemen.kz tilshisi habarlady.
Ákimniń qolynan júlde alǵandardyń arasynda vokalıster, horeograftar, kórkemóner ujymdarynyń jetekshileri, balalar-jasóspirimder klýbtarynyń nusqaýshylary, kitaphanashylar, oıyn-saýyq dýmandaryn uıymdastyrýshylar boldy.
«О́skeleń urpaq tárbıesine erekshe kóńil bólgen jón. Bizdegi mádenı-oıyn-saýyq uıymdarynyń qyzmetindegi basymdyq beriletin dúnıeler adamgershilik pen patrıotızm bolý kerek. Ekonomıkalyq daǵdarys adamgershilik turǵydaǵy daǵdarystyń janynda túkke de turmaıdy», – dedi qala ákimi.
Qaırat Ábildınov.
Derek, foto: Qaraǵandy qalasy ákiminiń baspasóz qyzmeti.