ASTANA. 24 mamyr. Belgili telejýrnalıst NTV telearnasyna keńes djaz mýzykanty Oleg Lýndstrem týraly fılmimen oralady. Bul týraly Interfax.Ru aqparyna súıengen egemen.kz tilshisi habarlady.
«21 mamyrda Qazanda «Oleg Lýndstrem. Mádenı kod» derekti fılmin túsirý bastaldy. Bıylǵy jyly Reseı aty ańyzǵa aınalǵan djazmenniń týǵanyna 100 jyl tolýyn atap ótedi. Álemdegi gastrolge eń kóp shyqqan djaz-bendtiń ómiri týraly belgili jýrnalıst, NTV-nyń bet-beınesi Tatıana Mıtkova áńgimelep beredi», - delingen habarlamada.
«Azat emes eldegi azat djaz týraly kartına» dep atalatyn lenta «NTV-vıdenıe» sıkline kiredi. Fılmde 1950-1980 jyldar arhıvindegi jazbalap, sondaı-aq Lýndstremniń qazirgi ınterpretasııadaǵy kompozısııalary paıdalanylǵan.
«Djaz moıyndalmaǵan memlekette Lýndstremniń orkestri qandaı jolmen osynshalyqty tabysqa jete aldy? О́z isterine degen súıispenshilik úshin mýzykanttardyń qandaı qıyndyqtardy bastan keshýlerine týra keldi? Osy suraqtarǵa jaýap tabý úshin Tatıana Mıtkova Eýropadan Qytaıǵa deıingi álem elderin aralap shyǵady», - delingen baspasóz paraqshasynda.
Mıtkova – belgili keńes jáne orys jýrnalısi, telejýrgizýshi, ol 11 jyl boıy NTV-da «Segodnıa» jańalyqtar baǵdarlamasynyń keshki seansyn júrgizip keldi. Mıtkova 2001 jyldan telearnanyń aqparat qyzmeti basqardy. Munyń aldyndaǵy kezeńde, 2011-2014 jyldary «Segodnıa. Itogı» keshki baǵdarlamasyn shyǵardy.
Tatıana Rostıslavovna Mıtkova 1957 jylǵy 13 qyrkúıekte Máskeýde týǵan. 1982 jyly Lomonosov atyndaǵy MGÝ-di bitirgen. Mıtkovtar dvorıan áýletinen. Ákesi – kadrlyq áskerı qyzmetker, anasy – úı sharýasyndaǵy áıel.
T. Mıtkova erge shyqqan. Kúıeýi – V. Solovev – halyqaralyq jýrnalıst. Dmıtrıı atty uly bar.
Talǵat Raıymbek.
Derek: Interfaks.