Prezıdent Qasym-Jomart Toqaev 2025 jylǵy eldiń eń mańyzdy ǵylymı jetistigin atady. Bul týraly ol Astanada ótken ǵalymdardy marapattaý rásiminde málimdedi, dep habarlaıdy Egemen.kz.
Memleket basshysynyń aıtýynsha, negizgi jetistik – ALEM (Astana Life Ex-situ Machine) ınnovasııalyq medısınalyq apparatyn jasaý boldy.
«Eń aldymen, búginde ýnıversıtetterdiń tehnologııalyq habtarǵa aınalyp kele jatqanyn atap ótken jón. Mysaly, ótken jyly University Medical Center Júrek ortalyǵynyń dárigerleri biregeı jańalyq – ALEM (Astana Life Ex-situ Machine) ınnovasııalyq medısınalyq apparatyn ázirledi. Bul qurylǵyny 2025 jyldyń eń mańyzdy ǵylymı jetistigi dep tolyq aıtýǵa bolady. Atalǵan qurylǵy donorlyq organnyń adam denesinen tys jerde 24 saǵattan astam ýaqyt boıy fýnksıonaldylyǵyn saqtaýǵa múmkindik beredi. Osyndaı biregeı jetistikter qazaqstandyq ǵylymnyń joǵary áleýetin kórsetedi», dedi Qasym-Jomart Toqaev.
Donorlyq aǵzalardy saqtaýǵa arnalǵan tehnologııa
ALEM (Astana Life Ex-situ Machine) qurylǵysy donorlyq aǵzalardy saqtaý jáne tasymaldaý úshin arnalǵan. Júıe olardyń ómirsheńdigin 24 saǵattan astam ýaqyt boıy saqtaýǵa múmkindik beredi.
12 sáýir – Ǵylym qyzmetkerleriniń kúni
Dástúrli ádispen salystyrǵanda, onda aǵza tek 4-6 saǵat qana saqtalsa, ALEM tabıǵı jaǵdaıǵa jaqyn orta qalyptastyrady. Qurylǵy temperatýrany baqylap, qandy ottegimen qanyqtyrady jáne negizgi kórsetkishterdi naqty ýaqyt rejıminde qadaǵalaıdy.
Ǵylym – ulttyq qýattyń ıntellektýaldy qalqany