Elbasy Nursultan Nazarbaev «SITIK Grýpp» korporasııasynyń prezıdenti Van Szıýndi qabyldady, dep habarlady Prezıdenttiń baspasóz qyzmeti.
Kezdesý barysynda qazirgi birlesken jobalardy júzege asyrý máseleleri talqylandy, sondaı-aq, ózara is-qımyldyń perspektıvaly baǵyttary qarastyryldy.
Memleket basshysy munaı jáne gaz salasyn Qazaqstan men Qytaı seriktestiginiń jetekshi salasy retinde ataı otyryp, elimiz «SITIK Grýpp» korporasııasymen biraz ýaqyttan beri tabysty yntymaqtasyp kele jatqanyn aıtty.
V.Szıýn Nursultan Nazarbaevqa respýblıkamyzdyń qurylys jáne munaı-gaz salasynyń odan ári damýyna yqpal etetin túrli jobalardyń júzege asyrylý barysy týraly baıandady.
Sýretterdi túsirgender
S.BONDARENKO, B.OTARBAEV