JAPONIIа DEGENINE JETTI
Astanada keshe keshkisin «Qazaqstan» sport saraıynda Qytaı men Japonııa qurama komandalarynyń kezdesýi ótti. Bul kezdesý 7:1 esebimen Japonııa hokkeıshileriniń paıdasyna sheshildi.
Á degennen-aq oıynnyń alǵashqy kezeńinen bastap japondyqtar shabýyldaryn qarqynmen bastady. Kezdesýdiń segizinshi mınótinde Kýdzı Sýheı esep ashty. Osy shabytpen alǵa umtylǵan ol birinshi kezeńdi 3:0-ge jetkizip aıaqtady. Ekinshi kezeń de japon sportshylarynyń aıqyn basymdyǵyn ańǵartyp, olardy jeńiske qaraı tipten jigerlendirip jiberdi. Bul joly soǵylǵan qos shaıba esepti eseleı tústi. Esep – 5:0. Shaıba ıeleri – Saıto Takesı men Go Tanaka.
Sońǵy aınalymǵa deıin julqyna óner kórsetken japondyqtar qarsylastarynyń apshysyn qýyrýmen boldy. Úshinshi kezeńde de shabýyldy údete tústi. Nátıjesinde G. Tanaka qarsylastar qaqpasyn dál kózdep, komandalastaryn alǵa ozdyrǵan ústine ozdyra tústi. Osydan keıin qytaılyq hokkeıshiler kútpegen jerden Japonııa qaqpasyna bir shaıba soqty. Shaıbanyń ıesi – D. Ýang boldy. Áıtse de basymdyq tanytqan Japonııa quramasy matchtyń aıaqtalaryna sanaýly sekóntter qalǵanda bul kezdesýdiń sońǵy núktesin 7:1 esebimen qoıdy. Qaqpaǵa shaıbany Haga dál baǵyttady.
Ábdirahman QYDYRBEK.
* * *
BAHREIN QURAMASY OSYNShAMA ShAIBA О́TKIZIP ALDY
Keshe «Qazaqstan» sport saraıyna erler arasynda shaıbalyq hokkeıden Bahreın men Taıland qurama komandalarynyń oıynyn tamashalaýǵa kelgen jankúıerler osy kezge deıin Azııa oıyndarynda tirkelmegen eseptiń kýási boldy. Hokkeı jarysynyń alǵashqy kúni qarsylastarynan 25:0 esebimen utylǵan Bahreın Taı eliniń quramasynan 29:0 esebimen ese jiberdi. Taıland komandasynyń sapynda 6 shaıbany Kım Ýanı Aarola, 5 shaıbany Teearasak Rattnachot soqty.
Osy kúni Qyrǵyzstan Birikken Arab Ámirlikterimen ózara kúsh synasty. Azıadanyń alǵashqy kezdesýin jaqsy bastaǵan Qyrǵyz quramasy osy jolǵy kezdesýde de BAÁ komandasyn 14:0 esebimen jeńdi. Olar birinshi kezeńde eki shaıbany, ekinshi kezeńde 6 jáne úshinshi 20 mınóttikte 5 shaıba soqty.
Juldyz BAIDILDA.