Kóshpendiler álemi

Astanadaǵy «Kórme» kesheninde «Mádenı Azıada» aıasynda 29 qańtar men 4 aqpan aralyǵynda kún saıyn saǵat 11.00-den 18.00-ge deıin «Kóshpendiler álemi» atty etno-mádenı landshaftyq shoý ótýde. Azııa oıyndary tek qana halyqaralyq jarystar ǵana emes, elder arasyndaǵy mádenı baılanystar dánekeri retinde de keńinen tanymal. Oıyndy ótkizý qurmetine ıe bolǵan el Azıada alaýyn qabyldap alǵan kúnnen bastap, sporttyq ja­rys­tar aıaqtalǵansha sheteldik qonaqtarǵa mádenı-tarıhı qa­zy­na­syn tanystyrady. Osy dástúr boıynsha Azııa oıyn­dary aıasynda uıymdas­ty­ryl­ǵan keń kólemdi «Mádenı Azıadanyń» eń mańyzdy joba­larynyń biri – «Kóshpendiler álemi» etno-mádenı shoýy. Kóshpendiler álemin kórgen de kórmege kelýshilerge ata-babalar ómiriniń osydan myń­daǵan jyldar burynǵy uly dala beınesi kórinis beredi. Joba qonaqtary sahara soqpaqtary­men tańǵajaıyp álemge saıahat jasap, kóshpendiler mádenıeti­niń qaıtalanbas ereksheligine kýá bolady. Saıahatshylar jol-jó­nekeı kezbe mýzykanttar óneri­ne, túbi bir túrki halyq­tary – Qyrǵyzstan, Iаkýtııa, Tatarstan, О́zbekstannan ar­naıy shaqyrylǵan aıtýly óner­­pazda­rdyń jáne Qazaq­stan­daǵy ár­túrli dástúrli mý­zy­ka mektep­teri­niń daryndy ókil­deriniń konsertin tamasha­laıdy. Son­daı-aq, shet elderden elimizge ıgi nıetpen kelgen qonaqtar kóz aldynda ótip jatqan kóshpendi ómir keremetterine ózi aralasyp, tikeleı qatysa da alady. Mysaly, dástúrli mý­zyka aspaptaryn qolyna ustap, tartyp kórýine nemese úı tigý, kıiz basý ju­mystaryna ara­lasýyna bola­dy. Shoýǵa ar­naıy daıyn­dal­ǵan jolserikter olardy esikten kirgennen syı-qurmetpen kútip alyp, qazaq, aǵylshyn tilderinde qazaqtyń tarıhy, mádenıeti jóninde málimetter beredi. «Kóshpendiler álemine» odan ári qaraı sapar shekken jolaýshyny at qulaǵynda oı­na­ǵan shabandoz jigitterdiń  ta­mashasy kútedi. Qonaqtar óz­deri­ne qaqpasyn aıqara asha­tyn ejelgi qalada ǵajaıyp qol­óner týyndylarymen tany­sa alady. Qazaqtyń ejelden kele jatqan qyz uzatý, betashar, tusaýkeser, shashý, besikke salý sııaqty salt-dástúr­leri­nen habar beretin teatr­landyrylǵan kórinister de «Kóshpendiler áleminiń» árin kirgize túsýde. Dastan KENJALIN.