Atbasarda elektr únemdegish shamdar shyǵarylýda

Básekelestik beleń alǵan na­ryq jaǵ­daıynda óndiristi órge bas­­tyryp, jaqsy tabys tabý úshin jurtshylyq suranysyn­da­ǵy, sapaly jáne baǵasy qol­je­timdi ónim óndirýdi jolǵa qoıý kerek. Naryqtyń osy talabyn jaqsy biletin «TNK agrofır­masy» oblystyń biraz óńir­lerinen óz qurylymdaryn ashyp, ıgi isterimen kózge túsýde. Eleń etkizer qadam retinde serik­tes­tiktiń osydan eki jyl buryn men­shikke alǵan Atbasar jóndeý-meha­nıkalyq zaýytynyń aýma­ǵynan elektr únemdegish shamdar shyǵaratyn kásiporyndy iske qosqanyn aıtar edik. «Qaztehnıks» ataýyndaǵy ja­ńa kásiporynnyń basshysy Da­nııar Ýálıev óndiris barysymen keńinen tanystyrdy. – Burynǵy jóndeý-mehanı­ka­lyq zaýytynyń sehy jańa ká­siporynǵa laıyqtap jaraq­talǵan, – deıdi jas basshy. – Al­­ǵashynda biz eski quryl­ǵylar­men jumys istedik. О́t­ken jy­ly Ońtústik Ko­reıadan jańa jab­dyqtar satyp alyndy. Ju­­­mys­shylarymyz Sankt-Peter­býrgtegi áriptes kom­panııa zaýy­tymyzda uıym­das­tyrǵan kýrs­ta oqyp, kásibı bilik­tili­gin arttyrdy. Biz qazaq­standyq jabdyqtardy paıda­lanýǵa den qoıamyz. Sondaı-aq, ın­tegra­sııalyq júıemen Reseıden jyltyr metall taqta­lar, Ka­na­dadan órnekti plastıkter jet­kizilýde. Búginde zaýyt elektr únem­degish lampalardyń 24 túrin jasaıdy. Táýligine úlken sham­dar­dyń 320 danasyn, kishigirim lampalardyń 450-in qurastyryp shyǵarady. Alǵashynda tek tapsyrys boıynsha jumys istegen za­ýyt keıingi ýaqytta tolyq qýatyna kósh­ken. Zaýyt ishinde aýmaǵy 3000 sharshy metrdi quraıtyn daıyn ónimderdi saqtaıtyn qoıma jabdyqtalǵan. Shyǵarylǵan ónimdi satý má­se­lesi onshalyqty qıyndyq tý­ǵy­zyp otyrmaǵandyǵyn aıtyp ótti zaýyt basshysy. Asta­na, Al­maty, Mańǵystaýda bir­qatar iri kompanııalar kásip­oryn ónimderine tapsyrys be­ripti. Sondaı-aq, Jaqsy, Esil aýdandary ákimdikterimen shart boıynsha kóshelerdi ja­ryq­tandyratyn lam­palar ornaty­lyp berilgen. Qazirgi kúni zaýyt basshylyǵy Kók­shetaý qala­sy ákimdigimen kelis­sóz júr­gizip jatqan kórinedi. Tap­­sy­rys kólemi anyqtalǵan jaǵ­daıda, oblys ortalyǵynyń kóshe­leri jergilikti ónimmen tolyq qamtamasyz etilmek. «Qaztehnıks» JShS óz ónim­derine úsh jyldyq kepildik be­redi. Iаǵnı, lampa úsh jyl múl­tiksiz jumys jasaýy tıis. Olaı bolmaǵan jaǵdaıda, ne jańa­­symen aýystyrady, bolmasa tegin jóndep beredi. Jalpy, zaýyt shy­­ǵarǵan elektr únemdegish lam­pa­lar 20 jyl jumys isteıdi dep jo­balanǵan. Osydan bolsa ke­rek, jaryǵy mol ári qýat únem­degish ónimderge suranys artyp otyr. Baqbergen AMALBEK, «Egemen Qazaqstan» Aqmola oblysy, Atbasar aýdany