Jyldyq ınflıasııa sál baıaýlaǵanymen, onyń turaqty túrde tómendeýine qatysty naqty ári senimdi belgiler baıqalmaı otyr. 2026 jylǵy qańtar aıynyń qorytyndysy boıynsha jyldyq ınflıasııa mardymsyz ǵana tómendep, áli de joǵary deńgeıde saqtaldy. Al bazalyq jáne maýsymdyq faktorlardan tazartylǵan ınflıasııa kórsetkishteriniń dınamıkasy budan da baıaý, bul ınflıasııalyq qysymnyń áli de kúshti ekenin ańǵartady. Sonymen qatar sońǵy tórt aıda aılyq ınflıasııanyń údeýi baıqaldy, dep habarlaıdy Egemen.kz.
Qańtar aıynda qysqa jáne uzaq merzimdi ınflıasııalyq kútýler tómendegenimen, halyq arasynda ınflıasııanyń ári qaraı ósetinine qatysty alańdaýshylyq saqtalyp otyr. Bul kútýler qazirgi naqty ınflıasııa deńgeıinen de joǵary.
О́ńirlerde ınflıasııa baıaýlaǵanymen, azyq-túlikke jatpaıtyn taýarlar qymbattaı tústi
Inflıasııaǵa áser etetin faktorlar árqıly sıpatta qalyptasqan.Bir jaǵynan, ulttyq valıýtanyń nyǵaıýy, fıskaldyq ımpýlstiń tómendeýi jáne álemdik azyq-túlik ınflıasııasynyń báseńdeýi oń nyshan retinde kórinis taýyp otyr. Ekinshi jaǵynan, Reseıdegi ınflıasııanyń jedeldeýi jáne ótken jyldyń sońynda aqsha massasynyń kúrt ósýi baǵanyń kóterilýine túrtki bolatyn negizgi faktorlar bolyp sanalady.
Teńgeniń nyǵaıýy ishki valıýta naryǵyndaǵy saýda-sattyq kóleminiń tómendeýimen qatar júrdi. Sonymen qatar Ulttyq bank pen kvazımemlekettik kompanııalar tarapynan sheteldik valıýtany satýdyń salystyrmaly kólemi ótken jylǵy kórsetkishtermen salystyrǵanda aıtarlyqtaı qysqarǵan.Inflıasııamen kúres: Úkimettiń negizgi qadamdary qandaı?
2025 jyl boıy baıqalǵan altyn-valıýta portfeli qurylymynyń kezeń-kezeńimen ózgerý prosesi áli de jalǵasyp jatyr. Halyqaralyq rezervterdegi altyn úlesiniń artýy onyń fızıkalyq kóleminiń molaıýymen de, baǵasynyń ósýimen de baılanysty. Bul úrdis shetel valıýtasynda saqtalǵan rezervter úlesiniń azaıýymen qatar júrip jatyr.