Eýropanyń ESA zertteý uıymy birqatar jyldardan keıin Gollandııa jeriniń sýdyń astynda qalatyny bultartpas shyndyq ekenin kórsetetin aıǵaqtar tapty.
Nıderlandtyń soltústik-shyǵys qaptalynda bolyp jatqan ózgerister kartasyn jasap shyǵý úshin 2014 jyldyń qarasha aıynan 2016 jyldyń sáýir aıyna deıin Sentinel-1 spýtnıgi arqyly túsirilgen 2,5 mıllıonǵa jýyq túsirilimder anyq kórsetip bergen. О́lshemderdiń basym bóligi eldi sý tasqynynan qorǵap turǵan toǵandar men kóp qabatty iri ǵımarattar aýdandarynda jasalǵan. Sonda júrgizilgen ólshemniń aıyrmasy birneshe mıllımetrge jetken.
Osynyń nátıjesinde jasalyp shyqqan kartada eldiń birqatar aýdandarynda, ásirese, Eısselmer kóliniń batys jaǵalaýy men Gronnıngen qalasynyń shyǵys aýmaǵynda jerdiń teńiz deńgeıimen salystyrǵanda tómen túsýi jylyna 20 mıllımetrdi qurap otyrǵan.
Eske sala keteıik, ótken jyldyń 30 jeltoqsanynda soltústik polıýstegi temperatýra birinshi ret nólden joǵary satyǵa shyǵyp ketti. Bul Arktıkadaǵy muzdyń erýin jedeldete túsýde. Osynyń ózi Atlant muhıtynyń deńgeıin kótere bermekshi.
Damır QOJAMQUL