QARAǴANDY. 7 maýsym. Qaraǵandyda kólik polısııasy 1 mıllıon teńgeniń stanoktaryn urlaǵan kúdiktini qolǵa túsirdi. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Oblystyń 25 jasar turǵyny Ashysý stansasyndaǵy qural-jabdyq qoımasynan rels kesetin, burǵylap tesetin jáne qyrnaǵysh stanoktardy urlaǵan. Qoldy bolǵan zattardyń quny 975 myń teńge turady.
Jedel-izdestirý sharalary barysynda qylmystyq polısııanyń qyzmetkerleri 25 jastaǵy kúdiktini qolǵa túsirdi. Ol óziniń kinásin tolyqtaı moınyna aldy.
Qazirgi ýaqytta urlanǵan zattar qaıtarylyp, osy iske baılanysty sotqa deıingi tergeý amaldary júrgizilýde.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Foto: matritca.kz.