ATYRAÝ. 7 maýsym. Atyraý oblysynda aýyldastarynyń 13 bas iri qara malyn urlaǵan kúdikti 2 aıǵa qamaýǵa alyndy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Qyzylqoǵa aýdandyq sotynyń tergeý sýdıasymen kúdiktiniń is-áreketi Qylmystyq kodekstiń 188-babynyń 3-bóligimen saralanyp otyr. О́ıtkeni, sotqa usynylǵan istiń qujattary men is materıaldarynda kórsetilgendeı, kúdikti Jamansor eldi mekeni tusynda óriste júrgen 13 iri qarany urlaǵan. Muqyr aýylynda turatyn turǵyndar ıeligindegi osynsha maldy jasyryn jymqyrý maqsatymen Maqat kentine aıdap áketken. Sóıtip, óziniń aýyldastaryna iri kólemde shyǵyn keltirgen.
Mal urlaý deregin jiti saralaǵan Qyzylqoǵa aýdandyq sotynyń qaýlysymen kúdikti 2 aıǵa merzimge qamaýǵa alyndy.
Joldasbek Shópeǵul.
Derek: Atyraý oblystyq sotynyń baspasóz qyzmeti.
Foto: kostanaytany.kz.