ASTANA. 7 maýsym. Túrkııanyń Ystanbul qalasynda jarylys boldy. Saldarynan 11 adam qaza taýyp, 36 turǵyn zardap shekti. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
«Lańkestik áreketten 7 polısııa qyzmetkeri, 4 beıbit turǵyn qaza tapty. Sonymen qatar, 36 adam túrli deńgeıde jaraqat aldy. Dárigerlerdiń aıtýynsha, úsheýiniń jaǵdaıy tym aýyr. Aıaldama janyndaǵy jarylǵysh zat ornatylǵan kólik jaryldy», – deıdi qala basshysy Vasıp Shahın.
Aıta keteıik, oqys oqıǵa Ystanbul qalasynyń ortalyǵyndaǵy Beıazyt aýdanynda oryn aldy. Jarylys áskerı qyzmetkerler mingen kólik ótip bara jatqan sátte bolǵan. Qazirgi tańda bul jer qorshaýǵa alynyp, kólik qozǵalysy toqtatyldy.
Aıan Ábdýálı.
Derek, foto: RIA «Novostı».