ASTANA. 7 maýsym. AQSh-ta fýtboldan ótip jatqan Amerıka Kýbogy týrnırinde D tobynyń matchtary oınaldy. Bul týraly egemen.kz tilshisi habarlady.
Osy topta Argentına men Chılı quramalarynyń arasynda ótken kezdesý 2:1 esebimen aıaqtaldy. Argentına komandasy oıynǵa myna quramda shyqty: Romero, Roho, Morı, Otamendı, Merkado, Maskerano, Aýgýsto, Banega, Gaıtan (Kranevıtter 87’), Dı Marııa (Lamela 80’), Igýaın (Agýero 74’). Al Chılı quramasynda Bravo, Mena (Orelıana 54’), Hara, Medel, Bosejýr, Isla, Marselo, Arangıs (Fýensalıda 82’), Vıdal, Sanches pen Vargas (Pınılıa 68’) óner kórsetti.
Kezdesýde úsh goldyń barlyǵy ekinshi taımda soǵyldy. Birinshi taımda komandalar bir-birine qaýipti jaǵdaılar jasaǵanymen eshqaısysy dop soǵa almady. Oıynnyń birinshi jartysynda Argentına kóbirek shabýyldady.
Ekinshi taımnyń 51 mınýtynda argentınalyq Dı Marııa sol qaptaldan ashylyp, ózine ortalyq alańnan bergen pasty ádemi toqtatyp, sol aıaǵymen qaqpanyń sol jaq buryshyna gol soqty. Sodan keıin 59 mınýtta Argentınanyń jartylaı qorǵaýshysy Banega da osyǵan uqsas dopty torǵa toǵytty. Ol Dı Marııa sııaqty qaqpanyń sol jaq buryshyn dál kózdedi. Chılı komandasy qosymsha ýaqytta ǵana esepti bir dopqa qysqartty. Bul goldy 82 mınýtta alańǵa Arangıstiń ornyna shyqqan Fýensalıda soqty.
Osy oıynda Argentına quramynda Messı oınamady. Onyń ornyna Nıkolas Gaıtan shyqty. Bul jigit Portýgalııanyń «Benfıka» klýbynda óner kórsetedi. Messı qosalqy quramda da bolǵan joq. Argentına ulttyq quramasynyń bas jattyqtyrýshysy Herardo Martınıdiń aıtýynsha, «Albıselesteniń» kapıtany tórt kúnnen keıin ǵana alańǵa shyǵady. «Messı tórt kúnnen keıin oınaıdy. Sol kezde Lıonel qatarǵa qosylsa komanda odan saıyn jaqsy oınaıdy dep oılaımyn. Búgin Gaıtan da jaqsy oınady. Biz bıylǵy Amerıka Kýbogyn alýmyz kerek. Byltyr Chılı fınalda penaltıde ǵana kýbokty jeńip aldy. Sondyqtan kýbok úshin shaıqas tóreshiniń ysqyryǵyna deıin bolady. Naǵyz aıqastar áli alda», dedi ol.
D tobyndaǵy Panama men Bolıvııa arasyndaǵy matchqa kelsek, bul oıyn da tartysty ótti. Kezdesýde panamalyqtar 2:1 esebimen jeńiske jetti.
Dastan Kenjalın.
Derek, foto, euro-football.ru, ua-football.com
Vıdeo: vkontakte áleýmettik jelisi.
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e