ASTANA. 7 maýsym. Qazaqstannyń quqyq qorǵaý organy 5 maýsym kúni Aqtóbe qalasynda qaqtyǵys uıymdastyrǵandardyń esimderin jarııa etti. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Aqtóbe oblysynyń ishki ister departamenti qazirgi tańda 8 adamǵa izdeý jarııalady. Olardyń arasynda 27 jastaǵy Aqtóbe turǵyny Dmıtrıı Tańatarov, 25 jastaǵy Arsen Tańatarov, Aqtóbe oblysy Muǵaljar aýdanyndaǵy Mıhaılovka eldi mekeniniń 30 jastaǵy turǵyny Aıdos Jubanov bar.
Polısııa sonymen qatar, Qyzylorda oblysy Syrdarııa aýdanynyń 32 jastaǵy turǵyny Baqyt Qýanyshbaevqa, Aqmola oblysy Esil aýdanynyń turǵyny 30 jastaǵy Nurlan Seıilovke, Aqtóbe oblysynyń turǵyndary Álibek Aqpanbetovke, Aıdar Bashımovke jáne Arman Aıtýǵanǵa izdeý saldy.
Aıta keteıik, qarýlanǵan belgisiz top ótken jeksenbi kúni Aqtóbedegi qarý-jaraq satatyn eki dúken men Aqtóbeniń áskerı bólimine shabýyl jasady. Saldarynan alty adam qaza taýyp, 38 adam dárigerlerdiń kómegine júgingen. Qalada osyǵan baılanysty antıterrorıstik operasııa rejimi jarııalandy. Nátıjesinde 13 ekstremıstiń kózi joıyldy.
Aıan Ábdýálı.
Derek, foto: RIA «Novostı».