Elorda kúnine oraı «Sahnadan sálem!» halyqaralyq teatr festıvali óz jumysyn bastady. Bıyl tórtinshi márte ótkizilip otyrǵan teatr merekesi 20-26 maýsym aralyǵynda óz kórermenderine kóptegen tyń jobalar usynbaq. Festıvalǵa Máskeý qalasynan «Teatr Lýny» jáne Kıev qalasynan «PaperWall» óner ujymdary qatysýda. Sonymen qatar, Oral, Shymkent, Jezqazǵan, Almaty, О́skemen, Semeı qalalarynan kelgen teatr ujymdary elorda turǵyndaryna óz ónerlerin kórsetpek.
Keshti elimizge belgili jas akter Ádil Ahmetov pen Dáýren Serǵazın júrgizdi. Festıvalǵa qatysýshylar ónerine teatr jáne kıno salasynyń tanymal maıtalmany Erkin Jýasbek bastaǵan qazylar alqasy baǵa beredi.
Sahna shymyldyǵyn Astana qalasynyń «Jastar» teatry ashty. Jan-Per Pılo men Shýltezdiń «Mosart» mıýzıkli qoıyldy. Qoıylymnyń rejısseri – teatrdyń kórkemdik jetekshisi Nurqanat Jaqypbaı. Oqıǵa jelisi boıynsha Mosart anasynan aıyrylǵan soń birneshe ýaqyttan keıin óziniń mýzasy Konstansııany kezdestiredi, jaqyndarynyń qarsylyǵyna qaramastan ekeýi qosylady. Parıj halqyna keremet, biregeı operalar syılap, halyqtyń qoshemetine bólenedi. Osyndaı shat notada qoıylym óz máresine jetip, teatr ujymy kórermenniń ystyq yqylasyna bólendi.
Teatrsúıer qaýym qoıylymdardy qalamyzdyń 3 teatrynan tamashalaı alady. Olar: Jastar teatry, Q.Qýanyshbaev atyndaǵy memlekettik akademııalyq qazaq mýzykalyq drama teatry jáne M.Gorkıı atyndaǵy memlekettik akademııalyq orys drama teatry. Aldaǵy ýaqytta qazaq jáne orys tilderindegi on qoıylym óz kórermenderin kútedi.
Ardaq SAMATQYZY,
Q.A.Iаsaýı atyndaǵy Halyqaralyq qazaq-túrik ýnıversıtetiniń stýdenti