Amerıkanyń «Altyn saraı» dep atalatyn kompanııasy altynmen aptalyp, túrli asyl tastarmen bezendirilgen shahmat jasap shyǵardy. Jalpy salmaǵy 125,5 karatqa teń 4874 asyl tas paıdalanylǵan buıymnyń baǵasy 370 myń dollarǵa baǵalanyp otyr.
Árbir fıgýrany qolmen oıyp, bezendirip shyǵý úshin zergerler bas-aıaǵy 4 jarym myń saǵat ýaqyt eńbektenipti. Qymbat shahmatpen oınaǵysy kelgen tapsyrys berýshiniń esimi ázirge beımálim.
«Altyn saraı» kompanııasy buǵan deıin de neshe túrli qymbat buıymdar shyǵaryp, álemge tanylǵan. Máselen, jýyrda ǵana áıgili reper Snýp Dog úshin altynnan tis shuqyǵysh jasap berdi. Sondaı-aq, asyl tastardy paıdalanyp balyq aýlaıtyn aý, kokteıl tútigin jasaǵan. Quny 500 myń dollarǵa baǵalanǵan altyn velosıped bul kompanııanyń eń qymbat buıymy sanalady.
Nurtóre SAMARQAN