Atyraýda osynsha kólemdegi qarjy zańdastyryldy
Sońǵy aılarda Atyraýda qarjysyn zańdastyrýǵa talpynýshylardyń qatary molaıa tústi. Oblystyq memlekettik kirister departamenti usynǵan málimetke súıensek, 20 shildege deıin óńir turǵyndary 13,15 mıllıard teńgeni zańdastyrypty. Sonymen birge, zańdastyrylǵan múliktiń jalpy somasy 11,9 mıllıard teńgeni qurap otyr. Arnaıy komıssııanyń qaraýyna osynsha qarajat pen dúnıe-múlikti zańdastyrý úshin 1442 ótinish túsken.
Munaıly óńirdiń turǵyndary shetelderdegi múlikterin de jasyrmaýǵa bel býypty. Shetelderde múligi barlardan qazirdiń ózinde 30 ótinish túsip, 218,0 mıllıon teńgeni quraıtyn múliktiń zańdy tirkeýge alynǵany belgili bolyp otyr.
Joldasbek ShО́PEǴUL,
«Egemen Qazaqstan»
ATYRAÝ