Tamyzdyń 6-sy kúni Rıo-de-Janeıroda ótip jatqan Olımpııalyq oıyndardyń birinshi jarys kúninde 48 kıloǵa deıingi salmaqtaǵy aýyr atlet qyzdar medaldardy sarapqa saldy.
Qazaqstan quramasy atynan osy synǵa qatysqan Margarıta Elıseeva qossaıys qorytyndysynda besinshi orynǵa taban tiredi. Ol birinshi julqa kóterý jattyǵýynda 80 kılo salmaqpen toǵyzynshy orynda qalyp qoıǵan edi. Al serpe kóterýde 106 kılony baǵyndyryp, eki jattyǵý boıynsha 186 kıloǵa qol jetkizdi. Eger Rıta alǵashqy jattyǵýda ózi buryn alyp júrgen 84 kılony kótergende, qola medal qolynda edi. Bul sportshy 90 kılony da alatyn. Sol sııaqty serpe kóterýde 115 kılony da baǵyndyryp kelgen.
Biraq synaqta bári basqasha shyqty. Munda Olımpıada chempıony Zúlfııa Chınshanlonyń ornyna kelgen Elıseeva synaq sátinde qatty tolqyp, bar bilgeninen jańylyp qaldy.
Týrnırde 48 kg salmaqtyń altyn medalin Taıland sportshysy Sopıta Tanasan 200 kg qorytyndy salmaqpen jeńip aldy. Ekinshi orynǵa 192 kılony alǵan ındonezııalyq Vaıýnı Agýstıanı shyqty. Úshinshi oryn 188 kılo jınaǵan japon qyzy Hıromı Mııakege buıyrdy.
Osy salmaqta Qyrǵyzstan aýyr atleti Janyl Okoeva da óner kórsetti. Ol qossaıys qorytyndysynda 169 kg salmaqpen 12 qatysýshynyń arasynda 10-orynǵa taban tiredi.
Damır QOJAMQUL
Tehnıkalyq nátıjeler
Aýyr atletıka. Áıelder. 48 kg. 1. Sopıta Tanasan (Taıland) – 200 (92+108). 2. Vaıýnı Agýstıanı (Indonezııa) – 192 (85+107). 3. Hıromı Mııake (Japonııa) – 188 (81+107)... 5. Margarıta Elıseeva (Qazaqstan) – 186 (80+106).