[caption id="attachment_54987" align="aligncenter" width="560"] ap.org[/caption]
Qytaı mobıldi baılanys jelisiniń birinshi jerserigin orbıtaǵa sátti shyǵardy, dep habarlady «Sınhýa» agenttigi. Tiantong-01 apparaty 6 tamyzda Qytaıdyń ońtústik-batysyndaǵy Sıchan ǵarysh aılaǵynan Long March-3B zymyranymen ushyryldy.
Lenta.ru-dyń málimeti boıynsha, bul – Qytaıda qolǵa alynyp jatqan ulttyq telekommýnıkasııa júıesi aıasyndaǵy alǵashqy jerserik. Ol eldiń ǵaryshtyq aqparattyq ınfraqurylymynyń negizi bolady. Budan ary júıeniń jumysyn qamtamasyz etý úshin geostasıonarlyq orbıtaǵa taǵy birneshe osyndaı spýtnık jiberiledi.
Tiantong-01 jabdyǵyn Qytaıdyń ǵarysh tehnıkasy akademııasy jasap shyǵardy. Júıeniń jerdegi operatory China Telecom bolmaq. Onyń negizinde mobıldi baılanys jelisi qurylyp, ol tek Qytaıǵa ǵana emes, sonymen qatar, Taıaý Shyǵys, Afrıka elderi men álemniń ózge de óńirlerine qyzmet kórsetetin bolady.
Aıdar О́RISBAEV