[caption id="attachment_55010" align="aligncenter" width="560"] epa.eu[/caption]
Japonııa syrtqy ister mınıstrligi Qytaıdyń Shyǵys-Qytaı teńizindegi gaz ken oryndaryn óńdeıtin 16 platformasynyń birinde radar ornatylǵanyna narazylyq bildirdi.
Japonnyń Nikkei gazeti, sonymen qatar táýelsiz Kyodo aqparat agenttigi osy máselege baılanysty Tokıonyń Beıjińge narazylyq bildirgenin habarlady.
Tass.ru-dyń aqpary boıynsha, bul – sońǵy eki táýlik ishinde Japonııa tarapynan Qytaıǵa joldanǵan tórtinshi narazylyq notasy. Aldyńǵy úsheýi Qytaı balyq aýlaý kemeleri men kúzet katerleriniń Senkaký daýly araldaryna jaqyndaýyna baılanysty jiberilgen bolatyn. Atalǵan araldardyń akvatorııasyn Japonııa óziniń aýmaqtyq sýlary dep esepteıtinin aıta ketken jón. Senbi kúni bul aýmaqta Qytaıdyń shamamen 230 balyq aýlaý shhýnasy (eki nemese odan kóp dińgekti jelkendi keme) men alty kemesi baıqalǵan.
Kyodo agenttiginiń Japonııa úkimetindegi derekkózi platformada ornatylǵan radıolokasııalyq qurylǵy kemeniń júzip ótý jolyn qadaǵalaı almaıtynyn jáne áskerı maqsattarda qoldanýǵa qýaty jetpeıtinin málimdegen. Al Nikkei gazeti óz kezeginde mundaı qurylǵylardyń ádette kúzet kemelerine ornatylatynyn jáne ken oryndaryn óńdeýde mindetti túrde qoldanylatynyn atap ótti.
Aıdar О́RISBAEV