Rıo-de-Janeıro Olımpııalyq oıyndarynda qazaqstandyq belgili jeńil atlet, London Olımpıadasynyń chempıony Olga Rypakovanyń jarys jolyna shyǵatyn kezi de kelip jetti.
Bizdiń úkili úmitimiz Oıyndardaǵy jarystyń segizinshi kúninde saıysty úsh qarǵyp sekirýdiń kvalıfıkasııalyq týrnırinen bastaıdy. Onymen birge bul dodaǵa Irına Ektova, Ekaterına Ektova syndy qazaqstandyq sportshylar da qatysady. Jarys Astana ýaqytymen 18:40-ta bastalady. Ol KazSport telearnasynan tikeleı efırde kórsetiledi.
Budan ári, saǵat 20:42-den bastap qazaqstandyqtar Elına Mıhına, Anastasııa Kýdınova 400 metrge júgirýdiń aldyn ala synaǵynan ótedi.
Al 23:03-te batýtta sekirý jarysynyń irikteý kezeńi bastalady. Oǵan bizden Pırmámed Álıev qatysady. Jarys KazSport telearnasynan beriledi.
Damır QOJAMQUL