«Saryarqa» hokkeı klýby el chempıonatynyń pleı-off kezeńin sátti bastady. Jerlester bul kezeńde rýdnyılyq «Gornıakpen» alǵashqy kezdesýin ótkizip, 6:2 esebimen jeńiske jetti, dep habarlaıdy Egemen.kz.
«Saryarqa» bul joly baryn saldy. Oıyn bastalysymen-aq soqqyny qarsha boratyp, qarsylastarǵa shaıba ustaýǵa múmkindik bermedi. Nátıjesinde, 2-shi mınýtta – Egor Kýzmenko, 4-shi mınýtta – Aleksandr Borısevıch, 5-shi mınýtta Sergeı Barbashev birinen soń biri qarsylas qaqpasynan sańylaý tapty. Budan keıin oıynnyń 12-shi mınýtynda Rýslan Demın tórtinshi shaıbany salyp, nebári birinshi aınalymda esepti 4:0-ge jetkizdi.
Memleket basshysy Astana Team balalar hokkeı komandasyn jeńiske jetýimen quttyqtady
Ekinshi aınalymda da qaraǵandylyqtar birinshi bolyp esep ashty. Bul joly 23-shi mınýtta Danıla Karaban kózge tústi. Odan keıin 26-shy jáne 51-shi mınýtta rýdnyılyqtar eki shaıba salyp, esep alshaqtyǵyn qysqartpaq bolyp edi. Eki mınýttan soń Egor Kýzmenko oıyndaǵy ekinshi shaıbasyn salyp, kezdesýge núkte qoıdy. Esep – 6:2. Endi jerlester óz alańynda qarymta kezdesý ótkizedi.
Qaraǵandyda hokkeıshi match kezinde kóz jumdy