Qorǵanys mınıstriniń orynbasary Asqar Mustabekov Batys Qazaqstan oblysy aýmaǵyna qulaǵan drondarǵa qatysty pikir bildirdi, dep habarlaıdy Egemen.kz.
Onyń aıtýynsha, dron bólshekteri tabylyp, olardyń qaı memleketke tıesili ekenin anyqtaý maqsatynda arnaıy komıssııa quryldy. Komıssııa quramyna qarýly kúshterdiń tájirıbeli mamandary engizilgen. Sondaı-aq drondarǵa qarsy is-qımylǵa tek áýe shabýylyna qarsy qorǵanys kúshteri ǵana emes, radıoelektrondyq kúres bólimderi de tartylǵan.
Qazirgi ýaqytta tıisti tekserý jumystary jalǵasyp jatyr.
Eske sala keteıik, 2026 jyldyń naýryz aıynda Reseımen shekaraǵa jaqyn ornalasqan Atyraý oblysynyń Qurmanǵazy aýdanynda ushqyshsyz ushý apparatyna uqsas synyqtar tabylǵan bolatyn. Jergilikti polısııa departamentiniń málimetinshe, bul derek boıynsha tekserý jumystary júrgizilip jatyr.