Astanadan 25 shaqyrym jerdegi Jibek joly aýylynda aqyl-esi kem er adam tórt týysqanyn óltirgen. Ishki ister mınıstriniń orynbasary Sanjar Ádilov otbasy múshelerin qatygezdikpen óltirgen azamattyń jazadan qutylýy yqtımal ekenin aıtty, dep jazady Egemen.kz.
Onyń aıtýynsha, qazir qylmystyq is boıynsha tergeý amaldary jalǵasyp jatyr. Mamandar kúdiktige qatysty sot-psıhıatrııalyq saraptamasyn taǵaıyndaǵan. Sonymen qatar kúdiktiniń buǵan deıin de qylmystyq jaýapkershilikke tartylyp, esi durys emes dep tanylǵany belgili boldy.
«Qazir psıhıatrııalyq saraptama qorytyndysyn kútip jatyrmyz. О́ıtkeni onyń nátıjesine qaraı is ne aıyptaý aktisimen esi durys dep tanylǵan adamǵa qatysty sotqa joldanady, ne bolmasa oǵan medısınalyq sıpattaǵy májbúrleý sharalaryn qoldaný úshin sotqa beriledi», dedi IIM basshysynyń orynbasary.
Tórt birdeı týysyn óltirgen kúdiktiniń buryn sotty bolǵany belgili boldy
Buǵan deıin kúdikti azamat ákesi, anasy jáne múgedek aǵasyn jáne 18 jastaǵy jıenin óltirip, denelerin bólshektep tastaǵanyn habarlaǵan bolatynbyz.