Búgin Májilistiń jalpy otyrysynda depýtat Edil Jańbyrshın qańǵybas janýarlardyń sany artyp jatqanyn jáne qoldanystaǵy retteý júıesi nátıjeli bolmaǵanyn aıtty, dep jazady Egemen.kz.
«Eger 2022 jyly 243 574 qańǵybas janýar aýlansa, 2026 jylǵy 1 qańtardaǵy jaǵdaı boıynsha bul kórsetkish 276 282-ge jetti. Iаǵnı, biz tómendeý emes, ósimdi kórip otyrmyz. Qazirgi «aýlaý – sterılızasııa – qaıta jiberý» modeli máseleni sheshpeıdi», dedi ol.
Úı janýarlaryn chıpteý: Janýarlar týraly jańa zań boıynsha ıelerdiń jaýapkershiligi kúsheıtiledi
Sondyqtan Edil Jańbyrshın qańǵybas ıtterdi burynǵy tirshilik ortasyna qaıtarý tájirıbesinen bas tartyp, qaıtarymsyz aýlaý júıesine kóshýdi usyndy.
«Búginde memleket absýrd shema boıynsha áreket etedi: ıtti aýlaıdy, sterılızasııalaıdy, vaksınasııalaıdy, sodan keıin qaıtadan sol jerge jiberedi. Ol jerde buǵan deıin de turǵyndardan shaǵymdar men qaýip bolǵan. Osylaısha, memleket óz qolymen áleýetti qaýipti qaıtadan qoǵamdyq keńistikke qaıtaryp otyr. Qoǵamdyq qaýipsizdik turǵysynan bul model syn kótermeıdi», dedi depýtat.
Qazaqstanda ıesiz janýarlardy tegin vaksınasııalaý toqtatylady