Qazirgi tańda elimizde turǵyn úıge kezekte turǵan azamattardy esepke alýdyń biryńǵaı ári ashyq júıesi qurylyp jatqany aıan, dep jazady Egemen.kz.
Bıyl Otbasy bank («Báıterek» holdınginiń enshiles uıymy) ulttyq damý ınstıtýty mártebesine ıe bolǵandyqtan, turǵyn úı kezegin ortalyqtandyrylǵan júıege kóshire bastaǵany belgili. Buǵan deıin kezekte turǵan azamattardyń esebin ákimdikter júrgizip kelgen edi. Onyń ústine jetim balalardan bastap áskerı qyzmetshilerge deıin ártúrli sanat boıynsha birneshe, shashyrańqy tizimder boldy.
Endigi jerde halyqty baspanamen qamtamasyz etýge birinshi kezekte jaýapty operator osy bytyrańqy tizimderdiń barlyǵyn «Turǵyn úımen qamtamasyz etý ortalyǵy» atty biryńǵaı aqparattyq júıege biriktirip jatyr. Al munyń artyqshylyǵy nede desek, ol derekterdiń qaıtalanylýyna jol bermeıdi. Bul júıe turǵyn úı kezegine turýǵa úmitti adamnyń úıi bar-joǵyn avtomatty túrde tekserýge, adamdardy aralastyrmaı, kezekti qolmen basqarýdy barynsha azaıtýǵa múmkindik beredi.
Joǵaryda atap ótkendeı, kezekte turǵandardyń tizimi Otbasy bank qaramaǵyna ótkennen keıin, tizimdi túgendeý bastaldy. Bul – kezekte turǵan azamattar týraly málimetterdi tekserý men naqtylaý rásimi. Iаǵnı, kezekke turǵan adamnyń qazirgi mártebesi, otbasy quramy, sanaty, turǵyn úıiniń bar-joǵy anyqtalady.
«Otbasy bank»: 600 myńǵa jýyq adam memlekettik syıaqy aldy
Qazirge 408 565 azamat ınventarızasııadan ótse, taǵy 49 011 adamnyń derekteri tekserý satysynda tur.Munan bólek 74 005 azamattyń kezegi barlyq mán-jaı anyqtalǵanǵa deıin ýaqytsha toqtatylyp, 16 537 azamat turǵyn úı kezeginen shyǵaryldy. Sonymen qatar, 75 456 adamǵa kezekke qoıýdan bas tartyldy.
Kezekke qoıýǵa bas tartýdyń eń basty sebepterine toqtalatyn bolsaq, kezekte turǵan adamnyń nemese onyń otbasy músheleriniń atynda úıiniń bolýy, otbasy músheleriniń biriniń turǵyn úı kezeginde tirkelýi.
«Otbasy bank» ıpotekany zeınetaqy qarajatymen óteýge ótinim qabyldaýdy qaıta bastady
О́tken jyldan bastap elimizde halyqtyń turǵyn úı máselesin sheshý múmkindikteri edáýir keńeıdi. Bul ásirese, jastar men buryn jeńildetilgen sanattarǵa kirmegen azamattar úshin ózekti bolyp otyr. Memleket eshqandaı sanatqa ilikpeı qalǵan otandastarymyzdyń suranysyn eskere kele, «Turǵyn úı qatynastary týraly» zańǵa ózgerister engizdi. Endi sońǵy 5 jyl ishinde menshiginde baspanasy bolmaǵan barlyq kámeletke tolǵan otandastarymyz, sondaı-aq jalǵyz turǵyn úıi apatty dep tanylǵan azamattar turǵyn úı kezegine tura alady.
Turǵyn úı kezegine Otbasy bank portaly – orken.otbasybank.kz arqyly tirkelýge bolady. Bul múmkindik iske qosylǵan alǵashqy aıda suranystyń kúrt ósýi baıqaldy. Mysaly, 2025 jyldyń mamyr aıynyń birneshe kúninde ǵana 176 664 adam kezekke turǵan. Al kelesi aıda bul kórsetkish eki ese azaıyp, 81 317 adam boldy.
Keıingi aılarda ótinishter sany turaqtana bastady. Mysaly, 2025 jyldyń jeltoqsan aıynda jańa kezekke turǵandar sany 11 502 adam boldy.
Jalpy, jańa júıe iske qosylǵannan beri 407 479 azamat turǵyn úı kezegine tirkeldi. Bastapqy joǵary suranys buryn esepke alynbaǵan qajettilikpen baılanysty boldy. Qazirgi tańda kezek basqarylatyn ári boljamdy júıege kóship jatyr.
Osylaısha, bank bir jylǵa jetpeıtin ýaqyt ishinde turǵyn úıge degen naqty ári tolyq suranys kólemin qalyptastyrdy.Qazirgi tańda turǵyn úı kezeginde 968 640 qazaqstandyq tur. Onyń shamamen 30%-y nemese 306 632 adam turǵyn úı alýǵa birinshi kezektegi quqyqqa ıe. Bul – turǵyn úı máselesin óz betinshe sheshýi qıyn azamattar sanaty, sondyqtan memlekettik qoldaý sharalary dál osy topqa baǵyttalǵan.
2025 jyldyń qazan aıynan bastap jergilikti ákimdikter Otbasy bank balansyna 21 255 páter tapsyrdy. Onyń ishinde 6 670 páter kezekte turǵan azamattarǵa jalǵa berildi. Al 2 343 páter 2% jáne 5% mólsherlememen jeńildetilgen nesıe arqyly satyp alý úshin rásimdelý ústinde.
Eger páter bólý eki negizgi qaǵıda boıynsha júzege asyrylatyn bolsa, kezekke turǵan kúni men azamattardyń sanatynyń basymdyǵy eskeriledi.
Bul tásil óz tıimdiligin kórsetip otyr. Mysaly, bank qoldaýymen 1996 jyldan beri «jetim balalar» sanaty boıynsha kezekte turǵan azamat baspanaly boldy. Sondaı-aq 2005 jyldan beri (ıaǵnı 20 jyldan astam) kútken azamattar da úı aldy. Olardyń qatarynda múgedektigi bar adamdar, kópbalaly jáne tolyq emes otbasylar, sondaı-aq múmkindigi shekteýli bala tárbıelep otyrǵan otbasylar bar.
Alǵash ret «jesirler» sanaty boıynsha kezekte turǵan 370 adam turǵyn úımen qamtamasyz etildi. Bul sanat ótken jyly ǵana engizildi. Buǵan deıin jesirler «tolyq emes otbasylar» sanatyna bolǵandyqtan, kezek uzaqqa sozylatyn. Endi ózgeristerdiń arqasynda qoldaý naqty ári ýaqytyly kórsetilýde.
«Jetim balalar» sanatyndaǵy azamattar da barynsha baspanaly bolyp jatyr desek, muny 986 adamnyń qonys toıymen aıǵaqtaýǵa bolady. Bul sanat úshin zań júzinde arnaıy kvota qarastyrylǵan, ıaǵnı bólinetin turǵyn úıdiń keminde 20%-y jetim balalardyń enshisinde. Bul kezektiń jyljýyn jedeldetip, ata-anasynyń qamqorlyǵynsyz qalǵan azamattarǵa qoldaý kórsetýge septesip otyr.
Sonymen sońǵy jarty jylda 1 077 múgedektigi bar adam, 1 242 kópbalaly otbasy, 1 580 tolyq emes otbasy, 1 056 múmkindigi shekteýli bala tárbıelep otyrǵan otbasy baspanaly boldy.