Qaraǵandy oblysynyń Osakarov aýdanynda burynǵy bank menedjerine qatysty alaıaqtyq faktisi anyqtaldy. Kúdikti zeınetkerlerdiń jeke derekterin paıdalanyp, olardyń atyna nesıe rásimdegen degen kúdikke ilindi, dep jazady Egemen.kz.
67 jastaǵy zeınetker polısııaǵa aryzdanǵan. Ol óz atyna shamamen 1,5 mln teńge kóleminde nesıe rásimdelgenin bilmeı qalǵan. Atalǵan fakti boıynsha qylmystyq is qozǵaldy.
Júrgizilgen jedel-tergeý sharalary nátıjesinde tártip saqshylary 36 jastaǵy burynǵy bank menedjerin anyqtady. Tergeý málimetine sáıkes, jábirlenýshi buǵan deıin nesıe rásimdeý úshin bankke júginip, barlyq qajetti qujattardy tapsyrǵan. Osy derekterdi paıdalanǵan kúdikti onyń atyna nesıe rásimdep, alaıda áıelge bank nesıe berýden bas tartqanyn aıtqan. Al maquldanǵan qarajatty óz shottaryna aýdarǵan.
Qostanaıda mektep muǵalimi áriptesteriniń atyna nesıe rásimdegen
Qaraǵandy oblysy polısııa departamenti bastyǵynyń birinshi orynbasary Qýanysh Orynbetovtiń aıtýynsha, bul iske qatysty barlyq jábirlenýshiler – zeınetkerler. Qazirgi tańda polısııaǵa osy kúdiktiniń áreketine qatysty taǵy 6 aryz túsken. Quqyq qorǵaý organdary qylmystyq istiń barlyq mán-jaıyn anyqtaý úshin tergeýdi jalǵastyryp jatyr. Jalpy shyǵyn kólemi áli naqtylanady.
«Jumysqa ornalasýǵa kómektesemin»: Jetisý oblysynyń turǵyny tanysynyń atyna nesıe rásimdegen
Bul oqıǵa qarjy uıymdary qyzmetkerleriniń jaýapkershiligi men azamattardyń jeke derekterin qorǵaý máselesiniń ózektiligin taǵy bir márte kórsetti. Mamandar azamattarǵa qujattaryn bógde adamdarǵa senip tapsyrmaýǵa jáne qarjylyq operasııalar kezinde barynsha saq bolýǵa keńes beredi.