Qazaqstandyq boksshy Sáken Bıbosynovtyń tıtýldyq jekpe-jegi aıaq astynan ótpeıtin bolyp qaldy, dep habarlaıdy Egemen.kz.
Bishkekte ótýi tıis Bishkek Worldwide Clash týrnıri resmı túrde toqtatyldy. Alǵashynda boks keshi 17 sáýirge josparlanǵan bolatyn. Alaıda keıin uıymdastyrýshylar týrnırdi 23 mamyrǵa aýystyrǵan edi. Sol kezde sebep retinde Taıaý Shyǵystaǵy jaǵdaı aıtylǵan.
Endi mine týrnır múldem ótpeıtin bolyp sheshildi. Osyǵan jaǵdaıǵa baılanysty týrnırdi uıymdastyrýshylar resmı málimdeme jasady.
SaikouLush Boxing Promotions promoýsheni týrnırdiń toqtatylǵanyn resmı túrde rastady.
Málimdemede uıymdastyrýshylar kútpegen jaǵdaılarǵa baılanysty boks keshin ótkizý múmkin bolmaǵanyn aıtty. Sonymen qatar promoýshen týrnırdi kútken boksshylardan, komandalardan, seriktesterden jáne jankúıerlerden keshirim surady.
Sáken Bıbosynov ta áleýmettik jeli arqyly belgilengen jekpe-jektiń ótpeı qalǵanyna qatysty pikirin bildirdi.
«О́kinishke qaraı, 23 mamyrǵa josparlanǵan jekpe-jek belgili bir sebepterge baılanysty ótpeıdi. Jospar ózgerdi. Biraq jumys jalǵasyp jatyr», - dep jazdy boksshy jeke paraqshasynda.