Almaty qalasyndaǵy túngi klýbtardyń birinde qoǵamdyq tártipti óreskel buzý faktisi anyqtaldy, dep habarlaıdy Egemen.kz.
Medeý aýdandyq polısııa basqarmasynyń qyzmetkerleri klýbta ózin ánshi retinde tanytqan azamattyń beıádep qylyq jasap, qoǵamdyq tártipti buzyp, balaǵat sózder aıtqandyǵyn anyqtady. Onyń ádepsiz vıdeosy áleýmettik jelilerde taraǵany kórsetilgen.
Bul fakt boıynsha quqyq usaq buzaqylyq úshin jaýapqa tartyldy. Almaty qalasynyń mamandandyrylǵan ákimshilik sotynyń sheshimimen oǵan 20 AEK mólsherinde ákimshilik aıyppul taǵaıyndaldy.
Polısııa departamenti mundaı áreketterge jol berilmeıtinin jáne qoǵamdy qurmettemeýdiń tikeleı kórinisi ekenin atap ótti. Mártebesi men jarııalylyǵyna qaramastan, árkim qoǵamdyq oryndarda zań men minez-qulyq normalaryn saqtaýǵa mindetti.