Astanada Qazaqstan prezıdenti Qasym-Jomart Toqaevtyń qatysýymen «Altyn Orda dala órkenıetiniń úlgisi retinde: tarıh, arheologııa, mádenıet, biregeılik» atty halyqaralyq sımpozıýmnyń ashylý saltanaty ótti, dep habarlaıdy Egemen.kz.
IýNESKO-nyń qamqorlyǵymen ótetin aýqymdy halyqaralyq forým Joshy ulysynyń tarıhı murasyn jáne onyń Ortalyq Eýrazııa keńistigindegi órkenıettik prosesterdi qalyptastyrýdaǵy rólin jan-jaqty túsiný úshin jetekshi otandyq jáne sheteldik ǵalymdardy, sarapshylar men alyqaralyq ǵylymı qoǵamdastyq ókilderin biriktirdi.
Saltanatty rásimde IýNESKO Bas dırektorynyń orynbasarynyń mindetin atqarýshy Elýndý Assomo Lazar sóz sóılep, Altyn Ordanyń mádenıetaralyq ózara is-qımyldyń biregeı keńistigi retindegi tarıhı mańyzdylyǵyn atap ótti.
«Altyn Orda bul qundylyqtardyń mańyzdy kórinisi bolyp sanalady. Bul dala qozǵalystyń, almasýdyń jáne ózara baılanystyń serpindi ortalyǵy bolǵan Eýrazııanyń keń tarıhyn kórsetedi. Bul erekshe ártúrliliktiń saıası jáne mádenı keńistigi boldy. Onda dinder, tilder, kórkemdik formalar men tehnologııalar bir-birimen astasyp, ózara áser etti. Ol búgingi kúnge deıin mádenıetaralyq dıalog pen mádenı ártúrliliktiń senimdi tarıhı modeli bolyp qala beredi», - deıdi Elýndý Lazar.
Forýmǵa qatysýshylar tarıhty zertteý tek ótkendi este saqtaýǵa ǵana emes, sonymen qatar zamanaýı prosester týraly tereńirek túsinik qalyptastyrýǵa jáne turaqty bolashaqty qurýǵa baǵyttalǵanyn atap ótti. Senimsizdiktiń ósýine jáne bóliný tendensııalarynyń kúsheıýine baılanysty jahandyq syn-qaterler jaǵdaıynda Altyn Orda men Jibek jolynyń tarıhy ózara árekettesýi, ózara almasýy jáne ashyqtyq arqyly mádenıetterdiń nyǵaıýynyń aıqyn mysaly bolyp otyr.
«Sımpozıým IýNESKO-nyń negizgi mandatymen tikeleı baılanysty. Otyz jyldan astam ýaqyt boıy IýNESKO-nyń Jibek joly baǵdarlamasy, Jibek joly tek saýda joldarynyń jelisi ǵana emes, mádenı ózara árekettesý men almasýdyń jarqyn keńistigi bolǵanyn kórsetedi. Onyń mańyzdy toraptarynyń arasynda qazirgi Qazaqstan men kórshi memleketterdiń aýmaqtary bolǵandyǵy nazar aýdartady», - dep atap ótti Elýndý Lazar.
Halyqaralyq sımpozıýmdy ótkizý ǵylymı yntymaqtastyqty nyǵaıtý, pánaralyq zertteýlerdi damytý jáne Uly Dalanyń tarıhı-mádenı murasyn halyqaralyq deńgeıde ilgeriletý úshin mańyzdy alańǵa aınaldy.