Ahmet Baıtursynuly atyndaǵy Til bilimi ınstıtýty «Turmystyq zat ataýlary sheberhanasy» respýblıkalyq baıqaýynyń qorytyndysyn jarııalady. Qazaq tiliniń qoryn tolyqtyrýdy kózdeıtin baıqaý aıasynda qazaqstandyqtar turmysta jıi qoldanatyn 30 zattyń qazaqsha balamalaryn usyndy, dep habarlaıdy Egemen.kz
Baıqaý nátıjesinde Aqmaral Serikbaeva jeńimpaz atansa, ekinshi oryndy Aqsuńqar Almaǵan men Abdýlla Rızabekuly bólisken. Úshinshi oryn úsh júldegerge buıyrdy, olar – Aqbota Sharıbekova, Kókbóri Múbárak jáne Sanjar Qaskeev.
Baıqaý jeńimpazdary men júldegerleri usynǵan úzdik balama ataýlar mynalar:
Kreslo – arqajaı, otyrǵy.
Jalıýzı – kúnúzik, kúnqaǵar, kúnperde, shapaq, aıqara.
Komod – tolapsha, sýyrma, kebeje, qarshy.
Prostynıa – jabyn.
Pododeıalnık – kórpeqap, kórpetys, seısep.
Odeıalo – kúrbik, kórpe, jamshy.
Týmbochka – jandyqsha, qobdı, tartpa.
Rakovına – qoljýǵysh, shuńǵyltas, shuńǵylsha.
Ýdlınıtel – toqsym, uzartoq.
Mıkser – shaıqaýysh, bulǵaýysh, aralastyrǵy.
Sokovyjımalka – syǵyn, shyrynsyqqysh, shyrynsyqqy.
Grılnısa – qaqtaq, qaqtaǵysh, tortaba.
Termokrýjka – termoquty, kúısaqtar.
Otparıvatel – býútik, býsap.
Mýltıvarka – toqqazan, pisqazan.
Mantovarka – býqazan, qasqan.
Pled – orash, jamylǵy.
Vytıajka – aýalyq, aýasorǵy.
Shlagbaým – tossyryq, alasyryq, tospa, joltosar.
Folga – úldir, juqaltyr.
Dýrshlag – súzgish.
Terka – úgitek, úkkish.
Kosıak – jaqtaý.
Karnız – syryq.
Plıntýs – jıek.
Gardına – jelpishe.
Konteıner – asqorap, assaýyt.
Rozetka – toquıa.
Domofon – únqaqpa, shaqyraýyq, esik qońyraýy, úısyńǵyr, úndi, únqat.
Kondısıoner – samaldatqysh, aýa baptaǵysh, aýabap, aýalep.
Jańa sóz jasaý tek til mamandarynyń emes, qoǵamnyń, bilim berý júıesiniń, medıanyń jáne tehnologııa salasynyń ortaq jumysy bolsa kerek. Jańa tehnologııa kún saıyn jańa ataý ákelip jatyr. Eger olarǵa qazaqsha balama ýaqytynda usynylmasa, sheteldik sóz sol kúıi ornyǵyp keteri anyq. Qazaq tiliniń óz sózjasam júıesi óte baı anyq. Sondyqtan ishki tildik múmkinikterdi nege paıdalanbasqa. Keıbir umyt qalǵan sózder qazirgi zamanǵa óte laıyq bolýy da múmkin. Osy rette árbir maman qazaq tilin baıytýǵa óz úlesin qosa alatyny sózsiz.